ଲାଇବ୍ରେରୀ
ପ୍ରୋଫାଇଲ୍
ଟିକି ଅଳି ମୋର ଶୁଣ
ଟିକି ଅଳି ମୋର ଶୁଣ
1 min
103
ଟିକି ପିଲା କରି
ମୋତେ ତ ଗଢିଛ
ଟିକି ବୁଦ୍ଧି ଟିକେ ଦେଇ
କି ଅବା କରିବି
ସେ ଟିକି ବୁଦ୍ଧିରେ
କିଛି ବୁଝିପାରୁ ନାହିଁ
ଅଳି ମୁଁ କରୁଛି
ଟିକି ହାତ ଯୋଡି
ଭଲବାଟ କାହିଁ କୁହ
ଗଲେ କେଉଁ ବାଟେ
ଦେଖି ମୁଁ ପାରିବି
ତୁମ ର ସେ କଳା ମୁହଁ
ଦେଇଛ ଯଦି ମୋ
ଟିକି ଓଠେ ହସ
ସବୁବେଳେ ଝରୁଥାଉ
ଦୁଃଖୀ ରଙ୍କି ସେବା
କରିବାକୁ ମନ
ସଦା ଆଗଭର ହେଉ
ଅସୁମାରୀ ବଳ
ଭରିଦିଅ ପ୍ରଭୁ
ଦୁଇ ଟିକି ହାତେ ମୋର
ଜୀବନେ ମୋ ବ୍ରତ
ହେଉ ଦେଶ ହିତ
ବୀର ସୈନିକଟେ କର
ଟିକି ମନେ ମୋର
ନ ଲଗା କଳୁଷ
ଭରିଦିଅ ବାସନା ରେ
ଗୁରୁ ଗୁରୁଜନ
ଭକତି ସମ୍ମାନ
କରୁଥିବି ଆଦର ରେ
ସତେ ଯଦି ପ୍ରଭୁ
ତୁମେ ଦୟାମୟ
ଏତିକି ସୁଦୟା କର
ଭଲ ମଣିଷ ଟେ
କରିବ ଠାକୁରେ
ଟିକି ଅଳି ଏହି ମୋର
