ଟିକେ ହାଉଲେ

ମମି ପାପା ଡ଼ାକ ସବୁ ଛୁଆ ମୁହେଁ ବୋଉ ବାପା ଡ଼ାକ ଦୂରେ

ଏ ବି ସି ଡ଼ି ଠାରୁ ଖଡ଼ି ଛୁଆଁ ହୁଏ ଅ ଆ ଥାଉ ପରେ ।

ଭାଇନା ,ଭାଉଜ ଡ଼ାକଟା ଅଡୁଆ କାନ ପାଖେ ତୀର ମାରେ ,

ଜିଜୁ ,ଭାବୀ ,ବ୍ରୋ ଲାଗେ ତ ମଧୁର ଡ଼ାକେ ତାଙ୍କୁ ଇସାରାରେ ।

ମଉସା ,ମାଉସୀ ଡ଼ାକିଦେଲେ ଟିକେ ଦିନେ ଅବା କାଳେ ଥରେ

ମୁହଁଟା ଫୁଲେଇ ମାଉସୀ କହୁଛି ଅଙ୍କଲ ,ଆଣ୍ଟି ଡ଼ାକିବୁ ରେ ।

ସୁନ୍ଦରୀ ଓଠରେ ଲିପିଷ୍ଟିକ୍ ଧାର ସୁନ୍ଦର ତା’ ଯତନରେ

ବାପା ଡ଼ାକିଦେଲେ କାଳେ ଲିଭିଯିବ ଡ଼ାକେ ଡାଡି ଧୀର ସ୍ଵରେ।

ଓଡ଼ିଆ ସିନେମା ଲାଗୁଛି ଅଡୁଆ ମାନ ତା’ର ବିଦେଶରେ

ବିଦେଶୀ ସିନେମା ମନ କିଣି ନିଏ ଭାଷାକୁ କିଏ ପଚ଼ାରେ ।

ପିଠାପଣା ଛାଡ଼ି ମୋମୋ ,ଚ଼ାଓମିନ୍ ଆଦର ତା’ ଘରେ ଘରେ

ଦେଶୀ ଗୁଆଘିଅ ସନ୍ଦେହ କରିକି ବିଶ୍ୱାସ ତା’ ନକଲିରେ ।

ପାଶ୍ଚାତ୍ୟ ସଭ୍ୟତା ସଂସ୍କୃତି ବଢୁଛି ଘରେ ଅବା ଉତ୍ସବରେ

ଭାଷାଟା କମୁଛି ଭାଷଣ ବଢୁଛି ଆଜି ଆମ ସମାଜରେ ।

ସବୁ ବାବୁମାନେ ଓଡ଼ିଆ ଲଭର ପ୍ରେମ ତାଙ୍କ ଭାଷଣରେ

କଥା ପଦକରେ ଇଂରାଜୀ ଲାଗଇ ତାଳି ବାଜେ ପ୍ରଶଂସାରେ ।

ଶୋଷିତ ସମାଜ ବୁଝେ ନାହିଁ କିଛି ଲେଖା ସବୁ ଇଂରାଜୀରେ

ପାଠକ କହୁଛି ଇଂରାଜୀ ସହଜ ଓଡ଼ିଆକୁ ମୁଁ ଯେ ଡରେ ।

ଓଡ଼ିଆ ମୁହଁରେ ଓଡ଼ିଆ ଶୁଭୁନି ପ୍ରେମ ତାଙ୍କ ପ୍ରବାସରେ

ମୁହଁରେ କହନ୍ତି ଗରବେ ଓଡ଼ିଆ କାନ ଶୁଣେ ସନ୍ଦେହରେ ।

ଓଡ଼ିଆ ଭାଷାର ମାନବୃଦ୍ଧି ପାଇଁ ସବୁ କିଛି ଓଡ଼ିଆରେ

ଶାସକ ଇଂରାଜୀ ଟାଣିକି କହୁଛି ଶାସନ ମୋ ଓଡ଼ିଶାରେ ।

କହିଲେ କାହାକୁ ଶୁଣିବ ସେ କିଏ ସମାଜ ତ ଅଡୁଆରେ

ଇଂରାଜୀ କହିଲେ ସମ୍ମାନ ମିଳୁଛି ଓଡ଼ିଆ ଥାଉ ଦୂରରେ ।

ଓଡ଼ିଆ ଭାଷାକୁ ଲାଗିଛି ଗ୍ରହଣ ପୂର୍ଣ୍ଣିମାର ଚ଼ନ୍ଦ୍ର ତୀରେ

ଲୁଚି଼ଯାଏ ଜହ୍ନ ରବିର କିରଣେ ଦେଖା ସେ ଯେ ପୂର୍ଣ୍ଣିମାରେ ।

ଚ଼େଇଁ ଶୁଅନାହିଁ ଉଠିଯାଅ ଭାଇ ଯୋଡ଼େ ହସ୍ତ ବିନୀତରେ

ନିଜ ପରିଚ଼ୟ ଭାଷାରେ ନିହିତ ରଖ ତାକୁ ସମ୍ମାନରେ ।