ଠିକ ଅଛି

ଠିକ ଅଛି ମୋତେ ସାହାରା ଦେଇ ନାହଁ, କିନ୍ତୁ ମୋତେ ବେସାହାରା ବନେଇ ବାକୁ ଚେଷ୍ଟା କରନାହିଁ ।

ଠିକ ଅଛି ମୋ ଆଖର ଲୁହ ପୋଛି ନାହଁ,କିନ୍ତୁ ପୁଣି ମୋ ଲୁହ ପୋଛିବାର ବାହାନା କରନାହିଁ ।

ଠିକ ଅଛି ମୋତେ ଗ୍ରହଣ କରି ନାହଁ,କିନ୍ତୁ ଗ୍ରହଣ କରିଥିବା ଲୋକଠୁ ମୋତେ ଦୁରାଅ ନାହିଁ ।

ଠିକ ଅଛି ମୋ ଦୁଃଖ ଶୁଣି ନାହଁ, କିନ୍ତୁ ପୁଣି ମୋ ଦୁଃଖର କାରଣ ବନ ନାହିଁ ।

ଠିକ ଅଛି ମୋର ଅସ୍ତିତ୍ୱକୁ ସ୍ୱୀକାର କରିନାହଁ,କିନ୍ତୁ ମୋର ଆତ୍ମବିଶ୍ବାସ କୁ ଛାରଖାର କରନାହିଁ ।

ଠିକ ଅଛି ମୋର ବଳିଦାନରେ ସନ୍ତୁଷ୍ଟ ନାହଁ, କିନ୍ତୁ ମୁଁ କାହାର ବଳିଦାନର ତ ଆଶା କରିନାହିଁ ।

ଠିକ ଅଛି ମୋର ହାଲଚାଲ ବୁଝିନାହଁ, କିନ୍ତୁ ପୁଣି ବୁଝିବାର ମିଛ ଅଭିନୟ କରନାହିଁ ।

ଠିକ ଅଛି ମୋ ପ୍ରତି ଥିବା କର୍ତ୍ତବ୍ୟ କରିନାହଁ, କିନ୍ତୁ କର୍ତ୍ତବ୍ୟ ପରାୟଣତା ଶିଖାଅ ନାହିଁ ।

ଠିକ ଅଛି ସମୟ ଥାଉଥାଉ ଶ୍ରଦ୍ଧାରେ ଟିକେ ଡ଼।କି ନାହଁ, କିନ୍ତୁ ନିଜ ଆତ୍ମାଠୁ ଦୁରାଇ ଦିଅ ନାହିଁ ।

ଠିକ ଅଛି ମୋତେ ମୋ ଅଧିକାର ଦେଇନାହଁ,କିନ୍ତୁ ମୋ ପାଖରେ କୋୖଣସି ଦାବି କରନାହିଁ ।

ଠିକ ଅଛି ମିଠା କଥା ପଦେ କହି ନାହଁ, କିନ୍ତୁ ମୋର କଥାପଦକୁ ଦବାଅ ନାହିଁ ।

ଠିକ ଅଛି ମୁହଁରେ ହସ ଟିକେ ଦେଇନାହଁ, କିନ୍ତୁ ସବୁବେଳେ କନ୍ଦାଇବାକୁ ଚେଷ୍ଟା କରନାହିଁ ।

ଠିକ ଅଛି ମୋ ଖୁସିରେ ସାମିଲ ହେଇନାହଁ, କିନ୍ତୁ ଖୁସିର ସଂସାର ଭାଙ୍ଗନାହିଁ ।

ଠିକ ଅଛି ମୋର ଦକ୍ଷତାକୁ କେବେ ବୁଝି ନାହଁ, କିନ୍ତୁ ବିଷକୁମ୍ଭ ପୟୋମୂଖ ହୁଅନାହିଁ ।

ଠିକ ଅଛି, ସବୁ ଠିକ ଅଛି, କିନ୍ତୁ ମୋର ବଂଚିବାର ଆଶାକୁ ଛଡ଼ାଅ ନାହିଁ ।