ସୂତାଏ ସମ୍ପର୍କ

*ସୂତାଏ ସମ୍ପର୍କ*

ଆକାଶରେ ଆକାଶେ ଅଭିମାନ

ସମୁଦ୍ରେ ଭଲପାଇବା

ପୁଣିକେବେ ଭୋଦୁଅର 

ମେଘଖଣ୍ଡ ଭଳି 

ରାଗ ରୁଷା। ।।।

ବୁଢ଼ୀ ମାଆର 

କଳଙ୍କି ଲଗା ବାକ୍ସରେ

ସବୁ ରାଗରୁଷା ଦୁଷ୍ଟାମୀକୁ କବର୍ ଦେଇ

ଭଲପାଉ ନିଜ ନିଜକୁ

କ୍ଷୀର ଆଉ ନୀର ଭଳି ।

ଘର ଆଗ ମେଞ୍ଚା ମେଞ୍ଚା 

ଧୂଳି ପ୍ରଶ୍ନ କରନ୍ତି

ଏ ଭଲ ପାଇବା ରାଗ ରୁଷା ଦେଖି

ଇଏ ସମ୍ପର୍କ ନା ବୈଶାଖର 

ଅମାନିଆ ଖଣ୍ଡିଆଭୂତ 

ଲେପନ୍ତି ମଥାରେ ମତେ 

କେଡେ ସରାଗରେ

Advertisement

ଫିଙ୍ଗାଫିଙ୍ଗି ହୁଅନ୍ତି ରାଗରେ ନା ପ୍ରେମରେ

ମୁଁ ଦ୍ବନ୍ଦ୍ବରେ 

ସମ୍ପର୍କ ଖରା ଆଉ ବର୍ଷାର

ସୁନେଲି ଖରା ସ୍ପର୍ଶରେ 

ଚିକ୍ ମିକ୍ କରୁ ତୁଠପଥର ପରି

ପୁଣି ଅଚାନକ୍ ଶ୍ରାବଣ ଛୁଇଁଯାଏ ଆମକୁ

ମୂଷଳ ଧାରାରେ ବରଷି ଯାଏ 

କିଛି ଲୁହ କେଇ ମୁହୂର୍ତ୍ତ ପାଇଁ

ବସନ୍ତ ବି ଲେଉଟି ଆସେ

ହସ ଖୁସି ସ୍ନେହ ପ୍ରେମ ନେଇ ।

ହସ କାନ୍ଦ,ରାଗରୂଷା 

ମରାମରି ସ୍ନେହ ପ୍ରେମର

ବିରଳ ସଂଗମରେ

ଏ ସମ୍ପର୍କଟା ସୃଷ୍ଟି 

ସେ ପୁଣି ସର୍ବଶ୍ରେଷ୍ଠ ସମ୍ପର୍କ ।