ସ୍ତ୍ରୀ

ପଇସା ଆଣି ହାତରେ ଦେଲେ

ସ୍ତ୍ରୀ ମୋର ହୁଏ ଅତ୍ୟନ୍ତ ଖୁସି 

କାମ ଟିକେ କଲେ ଓଃ କି ରାଗ

ଇଚ୍ଛା ତାର ଖାଲି ଖାଇବ ବସି

ଯୁଗକୁ ଆଇଲା କରୋନା ଭୂତାଣୁ

ସ୍କୁଲ ହେଲା ଛୁଟି ସେହି କାରଣୁ

ସରକାର କରିଦେଲେ ତାଲା ବନ୍ଦ 

ସ୍ତ୍ରୀ ପକାଇଲା ମୋ ପାଇଁ ଫାନ୍ଦ 

ସକାଳେ ସନ୍ଧ୍ୟାରେ ଝାଡୁ ଧରାଏ

ବାସନ ଧୁଅ କହି ଦେଇ ପଳାଏ 

ଲୁଗା ପଟା ଆଣି କଚାଡି ଦିଅଇ 

ଖଟେ ବସି ଖାଲି ଭାଷଣ ମାରଇ

ଶାଶୁ ଫୋନ୍ କଲେ କୁହେ ଖଟୁଛି

ସତେ ଯେମିତି ମୁଁ ଶୋଇ ରହୁଛି

ତା ପାଇଁ ରାନ୍ଧେ ଚିକେନ୍ ବିରିୟାନୀ

ଝାମ୍ପି ଖାଇ ଯାଏ ସବୁ ବିଲେଇମୁହିଁ

ମନେ ମନେ ସାଜିଛି ପାଟରାଣୀ

କଜଳ ଲଗାଇ ଦିଶେ ବାୟାଣୀ

ତା ନାମେ ଯଦି କହିଦେଲି କିଛି

ଦୌଡ଼ି ଆସେ ସେ ଏତେ କଳିହାଣି