Library
Profile
ସଂଶୋଧନ ଜୀବନେ
ସଂଶୋଧନ ଜୀବନେ
ସଂଶୋଧନ :
ପ୍ରତିଟି ଜୀବନେ ପୂର୍ଣ୍ଣଛେଦ ଅଛି
ପ୍ରତିଟି ଜୀବନେ କମା ,
ପ୍ରତିଟି ଭୁଲର ସଂଶୋଧନ ଅଛି
ପ୍ରତି ଭୁଲ ପାଇଁ କ୍ଷମା ।
ମନୁଷ୍ୟ ମାତ୍ରକେ ଭୁଲ ରହିଛି
ତାର ଜୀବନ କାଳରେ ,
ଭୁଲ ନଥିଲେ ସଂଶୋଧନ ହେବନି
ଜାଣିଥା ଠିକ ବେଳରେ ।
ଗୋଟିଏ ଦିନରେ କୋଣାର୍କ ମନ୍ଦିର
ହୋଇତ ନଥିଲା ଗଢା
ବାରଶ ବଢ଼େଇ ବାରବର୍ଷ ଲାଗି
କରିଥିଲେ ତାକୁ ଛିଡା ।
ମାରି ପାରିଲେନି ମୁଣ୍ଡି ସେ ମନ୍ଦିରେ
ବୁଦ୍ଧି ହୋଇଗଲା ବଣା ,
ବାରଶ ବଢ଼େଇ ଭୁଲକୁ ସୁଧାରି
ମୁଣ୍ଡି ମାରିଲା ଧରମା ।
ବାପା ଦାଦା ଯେଉଁ ଭୁଲ କରିଥିଲେ
କଲା ତାର ସଂଶୋଧନ ,
କାଳ କାଳଲାଗି ରଖିଗଲା କିର୍ତ୍ତୀ
ରହିଛି ହୋଇ ଅମ୍ଲାନ ।
ନିଜ କଲା କର୍ମ ଜାଣି ହୁଏ ନାହିଁ
ନିଜ ଭୁ
ଲ ବି ସେପରି ,
ଭୁଲଟିକୁ ଯିଏ ଦରଶାଇ ଦିଏ
ସେ ଏକା ଆତ୍ମୀୟ ପରି ।
ନିଜ ଅଜାଣତେ ଭୁଲ କାର୍ଯ୍ୟ କଲେ
ତାହା ହୁଅଇ ସୁଧାରି ,
ଜାଣି ଶୁଣି ଯିଏ ଭୁଲ ପଥ ବାଛେ
ତା ପାଇଁ କିଏ ଭଗାରି ।
ଅନବରତ ଯେ ଭୁଲ କରି ବସେ
ତାର ନାହିଁ ସମାଧାନ ,
ଗୋଟିଏ ଭୁଲର ସଂଶୋଧନ ପରେ
ଅନ୍ୟଟି ଦିଏ କଷଣ ।
ନିଜ ଭୁଲ ଯିଏ ଦେଖୁଥାଏ ନିତ୍ୟ
ଅନ୍ୟର ଭୁଲ ନଦେଖି
ସେହି ଏକା ଏଇ ଜୀବନ କାଳରେ
ହୁଅଇ ପରମ ସୁଖୀ ।
ଅଭିଜ୍ଞତା ବଳେ ଯିଏ ଶୃଙ୍ଖଳିତ
ଚାଲେ ସଠିକ ପଥରେ
ସଂଶୋଧନ ତାର ନାହିଁ ଆବଶ୍ୟକ
ଭୁଲ ନଥାଏ କାମରେ ।
ଭୁଲ ଦର୍ଶାଇବା ଲୋକଟି ଜୀବନେ
ଅଟେ ତୁମ ଶୁଭାକାଂକ୍ଷୀ ,
ସମ୍ମାନ ତାହାକୁ ଦେବ ସବୁବେଳେ
ନଭାବିବ ତାକୁ ଦୋଷୀ ।
