Library
Profile
ମୋ ଜୀବନ ପଛେ ନର୍କେ ପଡିଥାଉ :
ମୋ ଜୀବନ ପଛେ ନର୍କେ ପଡିଥାଉ :
ପାଣିଫୋଟକାଠୁ ହୀନ ଏ ଜୀବନ
ଆଜି ଅଛି କାଲି ନାହିଁ ,
ଏ ସଂସାର ଅଟେ ମାୟା ମରିଚିକା
ସୁଖ ଅବା ଏଠି କାହିଁ ?
ମିଛ ମାୟା ଜାଲେ ବନ୍ଧା ହୋଇ ଜିବ
ଭାବେ ଏଠି ସୁଖ ଅଛି ,
ଯାହାକୁ ଭାବେ ସେ ସୁଖର ସାଗର
ସେଠାରେ ଦୁଃଖ ରହିଛି ।
ମାନବ ଜୀବନ ଈଶ୍ୱରଙ୍କ ଦାନ
ସାଧନାର ପୂଣ୍ୟ ପିଠ ,
ଏହି ଜନମରେ ଶୁଦ୍ଧ ଜ୍ଞାନ ପାଇ
ସତକର୍ମ କର ନିତ୍ୟ ।
ଉଚାରଣ କର ପ୍ରଭୁଙ୍କର ନାମ
ଆଚାରେ ଶୁଦ୍ଧ ବିଚାର ,
ଏ ଜୀବନ ପଛେ ନର୍କେ ପଡିଥାଉ
ପ୍ରାଣୀଙ୍କ ଦୁଃଖ ନିବାର ।
ସେବା ତ୍ୟାଗେ ଧ୍ୟାନ ଦିଅ ଅବିରତ
କରି ଆତ୍ମ ସମର୍ପଣ ,
>ମାନବ ସେବାଟି ମାଧବଙ୍କ ସେବା
ଏହା ପବିତ୍ର ଜୀବନ ।
ରାଣୀ କୁନ୍ତୀ ଥିଲେ ପରମ ବୈଷ୍ଣବୀ
କୃଷ୍ଣକୁ ମାଗିଲେ ବର ,
ତୁମକୁ ସ୍ମରଣ କରିବା ପାଇଁକି
ଦୁଃଖ ଦିଅ ଚକ୍ରଧର ।
ଏହା ଭକତିର ଚରମ ସୋପାନ
ଯେଉଁଠି ଶରୀର ତୁଚ୍ଛ ,
ଦୁଃଖେ ସଢୁଥାଉ ଏ ମାନବ ଦେହ
ଜଗତ କଲ୍ୟାଣ ଇଛ ।
ସ୍ତୁତି ଚିନ୍ତାମଣି ତାହାର ପ୍ରମାଣ
ଭୀମଭୋଇଙ୍କର ବାଣୀ ,
ପତିତ ମାନଙ୍କ ଉଦ୍ଧାର ହୋଇବ
ସେ ମହତ ବାଣୀ ଶୁଣି ।
ଯେ ଶୁଦ୍ଧ ଭକତ ଚାହେଁ ଅବିରତ
ତା ଜୀବନ ନର୍କେ ଯାଉ ,
ଏତିକି କରୁଣା କର ମହାବାହୁ
ଜଗତ ଉଦ୍ଧାର ହେଉ ।
