ସମୟ ହିଁ ବଡ଼ ମହିରେ..

ସବୁ ଚାଲିଯିବେ ସଂସାରକୁ ଛାଡି   

କେହି ରହିବେନି ସଂସାରେ

ଆସିଥିଲେ ଦିନେ ଚାଲିଯିବେ ଦିନେ

ବଞ୍ଚିବେ, ଜନମ ମରଣ ମଝିରେ,,,

ଏନ୍ତୁଡ଼ିରେ ନିଆଁ ମଶାଣିରେ ନିଆଁ

ମଝିରେ ଜୀବନ ଝୁଲୁଛି

ଦୁଇ କୂଳ ଦୁଇ ନିଆଁର ମଝିରେ

ଜୀବନ ଦୁନିଆଁ ରହିଛି

ନିଆଁରୁ ଆରମ୍ଭ ନିଆଁରେ ଶେଷ

ନିଃଶ୍ୱାସେ ଚାଲିଛି ଜୀବନ

ନିଃଶ୍ୱାସେ ଆରମ୍ଭ ନିଃଶ୍ୱାସରେ ଶେଷ

ଜନମ ମରଣ ସମାନ

ଆସିଅଛି ଯିଏ ଚାଲିଯିବ ସିଏ

ସମୟର ଖେଳ ସାଥିରେ

ସମୟ ଆଣିବ ସମୟ ହିଁ ନେବ

ସମୟ ହିଁ ବଡ଼ ମହୀରେ,,