ସମ୍ପର୍କ

ଥିଲି ମୁଁ କେଉଁଠି ଏକା ଏକା

ଜଣା ନଥିଲା ମାଟି ପରେ ପଡି 

ଯୋଡିଲି ଆକାଶ ମାଟି ସହ ସମ୍ପର୍କଟିଏ ।

ପବନ ଫୁଙ୍କିଦେଲା ମୋ କାନେ

ନିଆଁ ମୋ ଦେହରେ ଉଷୁମ ଭରିଲା

 ତୃପ୍ତ ହେଲି ପିଇ କାହାର ଅମୃତରସ

ଚାହିଁବା ନ ଚାହିଁବା ଆଗରୁ 

ସବୁ ଯେମିତି ବସିଗଲେ ମୋ ଚାରିପଟେ 

ଭାରି ନିଜର ନିଜର ଲାଗିଲେ 

ଜଡରୁ ସବୁ ଚେତନ ଯାଏଁ ।

ଏକା ଏକା କଣ ଜିଇଁହୁଏ ସତରେ

ପ୍ରେମର ପାଖୁଡା ମେଲି ଆନନ୍ଦ ସରୋବରେ ଚାହେଁ

ମନ ନିର୍ମଳ ଆକାଶେ କାହିଁ କେତେଦୂର ସୂର୍ଯ୍ୟ ଜହ୍ନ ତାରା

ତଥାପି ବାନ୍ଧିଦିଏ କିଏ ଯେମିତି

ଗୋଟାଏ ଅଦୃଶ୍ଯ ଡୋରରେ ।

ଜୀବନ ନଈର ମିଳନେ 

ସମ୍ପର୍କର ମହାସାଗରଟିଏ

ଗଢିଉଠେ ଆପେ ଆପେ କେଜାଣି

ହୃଦୟର ନିବୁଜ କେଉଁ ଅନ୍ଧାରିଆ କୋଣରେ ।