ଶତପଦ୍ମ ଫୁଟେଇବି ତୋ ପ୍ରେମରେ

ଶରତର ଜ୍ୟୋସ୍ନାଭିଜା 

            ଶାନ୍ତନିଶି ରେ 

ଶିହିରିତ ତନୁମନ 

          ସିକ୍ତ ସମୀରେ

ସେହି ପାହାଡ଼ର ଶିଖରେ 

ଯାମିନୀ ବିତିବ ଯହିଁ 

        ସପନର ବିଭୋରେ

ଶିଶିରର କମନୀୟ 

        ଶିଶିର ବିନ୍ଦୁ 

ଚରଣ ପଙ୍କଜ ଆମ 

        ପୂଜିବ ବନ୍ଧୁ

ସେହି ହିମ ସ୍ନାତପୟରେ 

ବନପଥେ ରଚିଯିବା 

      ପୀରତି ର ଛାପରେ

ତନ୍ତ୍ରୀଥରା ଶୀତ ଯେବେ 

        ଆସିବ ମାଡି 

ବାହୁବନ୍ଧନ ରେ ପ୍ରିୟା 

       ରଖିବି ଭିଡି

ତୁମ ଶିତ୍କାର ର ଜୁଆରେ 

ମଗନ ହୋଇବା ଆମେ 

   ପ୍ରଣୟ ର ମଧୁ ବେଳାରେ

ବସନ୍ତେ ଫୁଟିଲେ ମଲ୍ଲୀ 

       ହେନା କରଵୀ 

ନୀଳ କବରୀ ରେ ସଖି 

        ସଜାଇ ଦେବି 

ତୁମ ଏଇ ରଙ୍ଗ ଅଧରେ 

ଶତପଦ୍ମ ଫୁଟେଇବି 

     ଭିଡିଧରିବାହୁରେ