ଶଶ୍ଵର ବି ହେଲେ ଖୁସି

ତୁଳସୀ ଚଉରା ମୂଳେ ପାଣି ଦେଉ ଦେଉ

କହିଲେ ଶଶ୍ୱର ମୋର ।

ବୋହୂ ପାଟି ଟା କାହିଁକି ଅରୁଚା ଲାଗୁଛି

ରାନ୍ଧନ୍ତକି ରାଇ ବେସର ।।

ଶାଶୁ ଯେ ତୁମର ଗଲା ପରଠାରୁ

ରାଇ ବାଜି ନାହିଁ ପାଟିରେ ।

ରାଇ ର ବାସ୍ନା ମନେ ପଡି ଆଜି

ଲାଳ ଗଡ଼ିଲାଣି ଲୋଭରେ।।

ମୁଣ୍ଡିଆଟେ ମାରି ଚଉରା ମୂଳେ

କହିଲି ରାନ୍ଧି ଦେବି ନିଶ୍ଚେ ବାପା ।

ଦାୟିତ୍ଵ ଯେବେ ନେଇଛି ଘରର

କରିବିନି ଯମା ଖପ୍ପା ।।

ସର୍ବଗୁଣ ପୂର୍ଣା ବୋହୂ ଯେ ମୋହର

ଶଶ୍ୱର କହିଲେ ମୋ ଖୁସି ହୋଇ ।

କହିଦେଲି ସିନା ରାନ୍ଧି ଦେବି ବୋଲି

ହେଲେ ବସି ଭାବୁଥିଲି ମୁହିଁ ।।

ଅଡ୍ର ଦେଇ ଥାନ୍ତି କହିଥିଲେ ସିନା

ପିଜା ବର୍ଗର ମୋତେ ।

ଜୋମାଟୋ ବୟଠୁ ଆଣି ଧରେଇ ଦିଅନ୍ତି

ମୋ ଶଶ୍ୱର ଙ୍କ ହାତେ ।।

ଚିଲ୍ଲି ପନିର, ଚିକେନ୍ ଯାହା କହିଥାନ୍ତେ

ରାନ୍ଧି ଦେଇଥାନ୍ତି ଖୁସିରେ ।

ରାନ୍ଧି ଦିଅନ୍ତି ମୁଁ ବିରିୟାନି ପୁଣି

କହିଦେଲେ ବାପା ଥରେ ।।

କଣ ହୋଇଛିକି ଭାବ ପୂର୍ଣ୍ଣ ଏତେ

ଆହେ ମୋର ପ୍ରିୟତମା ।

ସମ୍ଭାଳି ନେବି ମୁଁ ସ୍ବାମୀ ମୋ କହିଲେ

ଚିନ୍ତା କର ନାହିଁ ଜମା ।।

ଆଣି ଦିଅ ମୋତେ ରାଇ କି ବେସର

କେଉଁ ହୋଟେଲ ରୁ ଯାଇ ।

ବାପାଙ୍କର ମନ ରାଇ ଖାଇବାକୁ

ହେଲେ ମୋତେ ଜଣା ନାହିଁ ।।

ଭାତ ଡାଲି ସଙ୍ଗେ ଆଚାର ଲଗେଇ

ଦେଉଥିଲି ମୁହିଁ ଖାଇ ।

ଗରଜୁ ଥିଲି ମୁଁ ମୋ ବୋଉ ଉପରେ

ରନ୍ଧୁଥିଲା ଯେବେ ରାଇ ।।

ସ୍ବାମୀ ମୋ କହିଲେ ପଢିଛ ସିନା ଏତେ ପାଠ ହେଲେ

ମୁଣ୍ଡେ ତୁମ ବୁଦ୍ଧି ନାହିଁ ।

ହାତେ ଧରି ଅଛ ଆଣ୍ଡ୍ରିଇଡ଼ ଫୋନ ହେଲେ କହୁଛ

ମୋତେ କିଛି ଜଣା ନାହିଁ ।।

ୟୁଟୁବ ମାରି ଖୋଜି ଦିଅ ତୁମେ

ରାଇ ବେସରର ରେଶିପି ।

ରାନ୍ଧି ପରସି ଦିଅ ଶଶ୍ୱର ଙ୍କୁ ତୁମ

ଶଶ୍ୱର ହୋଇବେ ଖୁସି ।।

ୟୁଟୁବ ମାରି ସେଦିନ ସକାଳେ

ମୁଁ ଦେଲି ରାଇ ରାନ୍ଧି ।

ଶଶ୍ୱର କହିଲେ ଲକ୍ଷ୍ମୀ ଙ୍କ ରାନ୍ଧଣା

ସ୍ବାମୀ କହିଲେ ମୁଣ୍ଡେ ନାହିଁ ଜମା ବୁଦ୍ଧି ।।

ଶଶ୍ୱର ଙ୍କ ଠାରୁ ପ୍ରଶଂସା ଶୁଣି

ମୁଁ ଦେଲି ଟିକେ ହସି ।

ମୋ ହାତରୁ ରାଇ ଖାଇକି ସେଦିନ

ଶଶ୍ୱର ବି ହେଲେ ଖୁସି ।।

ଶଶ୍ୱର ବି ହେଲେ ଖୁସି ।।।