ଶକ୍ତିଶାଳୀ

କୋମଳ ହୃଦୟ ଅଟଇ ଯାହାର

ସେହି ସବୁଠାରୁ ଶକ୍ତିଶାଳୀ

ଯେତେ କଟୁକଥା ଆଘାତ ବି ଦିଅ

ଚନ୍ଦନ ପରାଏ ମଥାରେ ଦିଅଇ ବୋଳି ।

ପରର ଅନିଷ୍ଟ ଚିନ୍ତା ସେ କରେନି

ସମସ୍ତେ ତା'ପାଇଁ ବନ୍ଧୁ ର ସମ

କାହାରି ବେଦନା ସହି ପାରେ ନାହିଁ

ଦୁଃଖ ରେ ଜଳଇ ତାହାର ମର୍ମ ।

ବନ୍ଧୁତା ର ହାତ ବଢାଏ ସଭିଙ୍କୁ

ଚିନ୍ତା କରେ ନାହିଁ ହିତ ଅହିତ

ବିପଦେ କାହାକୁ ଦେଖିଦିଏ ଯେବେ

ବଢାଇ ଦିଏ ସେ ବନ୍ଧୁତା ହାତ ।

ଯେତେ ଦୁଃଖ ଥାଉ ହୃଦୟରେ ତାର

ଓଠୁ ଝରୁଥାଏ ମଧୁର ହସ

କଥାରେ କରେ ସେ ପରକୁ ଆପଣା

ଶତ୍ରୁ ହେଲେ ବି ସେ ହୁଅଇ ବଶ ।