ସହୀଦ ସଲାମ
ସହୀଦ ସଲାମ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଆହେ ବରପୁତ୍ର ଭାରତ ମାତାର
ତମକୁ କୋଟି ପ୍ରଣାମ
ଯଶ ଗଉରବ ଉଡେ ଫରଫର
ଗାଇ ଦେଶ ପ୍ରୀତି ପ୍ରେମ ll 1
ପ୍ରତି ରକ୍ତ ବିନ୍ଦୁ ବୁହାଇ ଦେଇଛ
ମାଆର ମମତା ପାଇଁ
ପ୍ରାଣବଳି ଦିଅ ତା ସୁରକ୍ଷା ପାଇଁ
ମନରେ ଦ୍ବିଧା ନଥାଇ ll 2
ବୀରତ୍ବ ଦେଖାଇ ଶତ୍ରୁକୁ ସଂହାରି
ମାଆର ରଖିଲ ଟେକ
ବିଜୟର ଧ୍ବଜା ଉଡେ ଫର ଫର
ସେଇ ଗୌରବ ପ୍ରତୀକ ll 3
ହେ ବୀର ଯବାନ ତମ ବୀର ଗାଥା
ସ୍ବର୍ଣ୍ଣାକ୍ଷରେ ଗଲ ଲେଖି
ରହିଛି ରହିବ ଯୁଗ ଯୁଗ ପାଇଁ
ବୀରତ୍ବର ମୂଳ ସାକ୍ଷୀ ll 4
ହେ ବୀର ସହିଦ୍ ମାଆ କୋଳେ ତମେ
ଶୋଇଗଲ ଚିରଦିନ
ମରଶରୀରଟା ମାଟିରେ ମିଶିଲା
ରଖିଗଲ ଯଶମାନ ll 5