ଶେଷ ଇଚ୍ଛା
ଶେଷ ଇଚ୍ଛା
ଏକାନ୍ତର ପଥିକ
ନିସଙ୍ଗତାର ଏବେ ସାଥି
ଅନ୍ତରରେ କୋଳାହଳ
ଡାକରା ଆସିଛି ଜନ୍ତୁପତିଙ୍କର
ହେଲାଣି ଯିବାର ବେଳ ।
ଅବଶ
ନିସ୍ତେଜ ଏ ଦେହ
ସରି ଯାଇଛି ଶ୍ୱାସ ପେଡି
ଛାଡି ଯାଉଛି ମୋ ପ୍ରାଣ
ଘୁରୁଚି ମସ୍ତିଷ୍କ ଥରୁଚି ହୃତପିଣ୍ଡ
ଶେଷ ଯାତ୍ରାକି
ଅବା ମୋର ।
ସମ୍ପର୍କ ମୋହର
ବେଢିରେ ଛନ୍ଦିଛି ଆତ୍ମାକୁ
ଯିବବା କେମିତି.?
ଆଶା କରୁଅଛି ସଖା
ସହୋଦର ଠାରୁ ସୁଖଦୁଃଖ ପରି
ସମାନ ବାଣ୍ଟିବେ
ମୋ ପାପ ଅର୍ଜିତକୁ ।
ଐଶ୍ୱର୍ଯ୍ୟ
ଧନ ସମ୍ପଦରେ ବୋଲାଇଲି ଧନୀ
ବୁଝି ପାରିଲିନି ମହତ୍ୱ
ପାପ ପୂଣ୍ୟ ଆଉ ନ୍ୟାୟ ଅନ୍ୟାୟର
ଏଥିପାଇଁ ବୋଧହୁଏ ମୁଁ
ପୂଣ୍ୟ ଅର୍ଜନରେ ଅତି କାଙ୍ଗାଳ ।
ଓଲମ ବିଲମ କଲାଣି ନିଶ୍ୱାସ
ପ୍ରଶ୍ୱାସର ଏଣେ ରୂଦ୍ଧଦ୍ୱାର
ତଥାପି ଚେତୁନି ମଣିଷ
ସପକ୍ଷରେ ସର୍ବଦା ହୋଇଛି ଛିଡା
ବସ୍ତୁବାଦୀ ସମାଜର ।
ଧୁକୁ ଧୁକୁ ଜଳୁଛି ସଳିତା
ଜୀବନ ଦୀପର
ଇନ୍ଧନ ହେଲାଣି ଶେଷ
କେଉଁ ମୂହୁର୍ତ୍ତରେ
ମାଡି ଆସିଯିବ କାଳ
ପ୍ରତି କ୍ଷଣିକରେ
ଡାରାଉଚି ବାତାୟନ ।
ଉଡି ଯିବ କି ସତେ ବାୟୁ
ଛାଡି ଯିବ ପ୍ରାଣ ଏଇ ଶରୀରରୁ
ଆତ୍ମା କରିଛି ଶେଷ ଇଚ୍ଛା
ଅନ୍ତିମ କାଳରେ
ଅନ୍ତରେ ଲଭିବି ଇଷ୍ଟଙ୍କୁ
ପରମଙ୍କ ଚରଣେ ଏତିକି ଅଳି
ଯାଉ ପଛେ ଏ ଜୀବନ ମରା ମରା
କରି ଜପାମାଳି।