ଶେଷ ବିନ୍ଧାଣୀ
ଶେଷ ବିନ୍ଧାଣୀ
ମନ ଏଠି ଆଶାବଲ୍ଲରୀ
ତନୁ ଏଠି ଘିଅକୁଆଁରୀ
ପଥେ ପଥେ ବୈରାଗୀଶ୍ଵରୀ
କାକ ସ୍ନାନ ଗଧ ଭୋଜନ ସାରି
ମୋବାଇଲ୍ ଟିପୁ ଟିପୁ ସ୍ଵପ୍ନ ଦେଖୁଛି
ହାତ ପାଆନ୍ତାରେ ମିଳନ୍ତା କି ଅଳକାପୁରୀ ।
ଜୀବନ ଯାପନ ଏଠି ଆକାଶ କଇଁଆ
ଅର୍ଥ ଉପାର୍ଜନ ଏଠି ବାଦଲ ମୁହାଁ
ସଭିଏଁ କହନ୍ତି ସହଜ ସରଳ
ସାବଲୀଳ ଶୋଭାଯାତ୍ରା
ପଥେ ପଥେ ପିଉଛି ମଣିଷ ତରଳ ଗରଳ
ପଦେ ପଦେ କାହିଁକି ହଳାହଳ ଯାତ୍ରା ମାତ୍ରା ?
ଆଶା ଏଠି ବୈତରଣୀ ଉଜାଣୀ
ଇଚ୍ଛା ଏଠି କାଳ୍ପନିକ କାହାଣୀ
କେବେ ଠେଲିଦିଏ ଗଡାଣି ଉଠାଣି
ପଥେ ପଥେ ଅଳ୍ପ କେତେ
ଅଳ୍ପରେ ସନ୍ତୁଷ୍ଟି ଆହୁଲା ଧାରିଣୀ
ଆତ୍ମତୃପ୍ତି ମିଳିବ ଶେଷେ ବିନ୍ଧାଣୀ ।