ପାପଡାହାଣ୍ଡିର ସହୀଦ କ୍ଷେତ୍ର
ପାପଡାହାଣ୍ଡିର ସହୀଦ କ୍ଷେତ୍ର
(୧୯୪୨ ଅଗଷ୍ଟ ୨୪ ତାରଖର ମର୍ମନ୍ତୁଦ ଘଟଣା)
ବୀର ସଙ୍ଗ୍ରାମୀ ଲକ୍ଷ୍ମଣ ନାୟକ
କୋରାପୁଟ ର ଗାନ୍ଧୀ
ମିଛ ଅଭିଯୋଗେ ଗୋରା ପୋଲିସ୍
ନେଲାତ ତାଙ୍କୁ ବାନ୍ଧି।
ବିରୋଧ କଲେ ପାପଡାହାଣ୍ଡିରେ
ସ୍ଥାନୀୟ ନରନାରୀ
ଶୋଭାଯାତ୍ରା ସେ କରିଲେ ସବୁ
ହାତେ ତ୍ରିରଙ୍ଗା ଧରି ।
ଥାନା ଘେରାଉ ପାଇଁକି ଲୋକେ
ଚାଲିଲେ ଡାବୁ ଗାଁ
ବାଟେ ପଡ଼ିଲା ଉରୀ ନଦୀ ତ
ଛୋଟିଆ ପୋଲ ସାହା ।
ପୋଲ ମୁଣ୍ଡରେ ଗୋରା ପୋଲିସ୍
ଜଗି ବସିଲେ ବାଟ
ଶୋଭାଯାତ୍ରା ତ ଆସିଲା ଯେବେ
ମାରିଲେ ଗୁଳି ଚୋଟ ।
ସତର ଜଣ ଦେଶ ସେବକ
ପଡ଼ିଲେ ସେଠି ଟଳି
ଅନେକେ ଡେଇଁ ଉରୀ ନଦୀକୁ
ଜୀବନ ଦେଲେ ବଳି ।
କରୁଣ ସେହି ଦୁଃଖ ଘଟଣା
ଶାଖି ତା ଉରୀ ନଈ
କୂଳରେ ତାର ସ୍ମୃତି ସ୍ତମ୍ଭ
ସେ କଥା ଯାଏ କହି ।
ସେଦିନ ର ସେ ସହିଦ ମାନଙ୍କ
ପାଦରେ ପ୍ରଣିପାତ
ଜୟ ହେ ଜୟ ଜୟ ତ୍ରିରଙ୍ଗା
ଜୟ ମାଆ ମୋ ଭାରତ ।