ଶ୍ବେତବର୍ଣ୍ଣା ଶାନ୍ତି
ଶ୍ବେତବର୍ଣ୍ଣା ଶାନ୍ତି
ଶ୍ବେତବର୍ଣ୍ଣା ଶାନ୍ତି ଆଣେ
ସ୍ନେହ, ଶ୍ରଦ୍ଧା, ହସ ,
ଶ୍ବେତବର୍ଣ୍ଣା ମଲ୍ଲି ଫୁଲେ
ମନଲୋଭା ବାସ ।
ସାତ ରଂଗ ମିଶି ହୁଏ
ଶ୍ବେତ ରଂଗ ଜାଣ ,
ସବୁରି ପସନ୍ଦ ପୁଣି
ନିଷ୍ପାପ , ନିର୍ବାଣ ।
ଶାନ୍ତିର କପୋତ ଶ୍ବେତ
ଶାନ୍ତିର ପୂରବୀ ,
ଶ୍ବେତବର୍ଣ୍ଣା ସରସ୍ବତୀ
ସଙ୍ଗୀତର ଦେବୀ ।
ଶ୍ବେତ ବର୍ଣ୍ଣ ବୌଦ୍ଧ ସ୍ତୁପ
ଶାନ୍ତିର ପ୍ରତୀକ ,
ହିଂସା ଈର୍ଷା ଭୁଲି ଗଲେ
ସବୁ ଆତ୍ମା ଏକ ।
ନବରାତ୍ରେ ନବ ରଙ୍ଗେ
ଦୁର୍ଗା ଆବିର୍ଭୂତା ,
ଶ୍ବେତ ବର୍ଣ୍ଣେ କ୍ରୋଧ ନାଶି
ଦ୍ୟିନ୍ତି ଶାନ୍ତି ବାର୍ତ୍ତା ।