ସ୍ବପ୍ନ ନାୟିକା

ନୀତି ଆସେ ନୀତି ଆସେ

ଆସେ ସିଏ ରାତିରେ 

ଜୀବନମୁଁ ବଞ୍ଚି ଯିବି 

ଯିବି ତା ସାଥିରେ ।

ଭାବୁଛ କି କିଏ ସେଇ

ଯିଏ ଆସେ ନିଶାରେ 

ବର୍ଣନା ମୁଁ କରିଚାଲେ

କବିତାର ଭାଷାରେ ।

ଅମାବାସ୍ୟା ନିଶାରେ ସେ

ପୁର୍ଣ୍ଣିମା ରେ ଜହ୍ନ 

ଜାଣେନା ମୁଁ କେମିତି ସେ

ଚୋରିକଲା ମୋ ଏ ମନ ।

ହୃଦୟ କବାଟ ରେ

ଠକ୍ ଠକ୍ ଶବ୍ଦକରି ଆସେ 

ହୃଦୟ ସିଂହାସନେ ସେ

ବେଶ୍ ଆରାମରେ ବସେ  ।

କୋମଳ ସ୍ପର୍ଶରେ ତା

ମୋ ହୃଦେ ମାଡିଆସେ ଭୂମିକମ୍ପ 

ମନରୁ ସେ ତୋଳିନିଏ ପଦ୍ମ

ଛାଡିଦେଇ ପଙ୍କ ।

ଝାପ୍ସା ଝାପ୍ସା ମୁହଁ ଦିଶେ

ଇଚ୍ଛା ହୁଏ ଦେଖିବାକୁ ସମ୍ପୂର୍ଣ୍ଣ, 

ମା ଡାକ ଶୁଣି 

ଭାଙ୍ଗିଯାଏ ମୋ ସପନ ।

ସିଏ ଆଉ କେହିନୁହଁ 

ମୋ ସ୍ବପ୍ନନାୟିକା 

ପ୍ରେମ ନଦୀତୀରେ ସିଏ

ମୋ ଅବବାହିକା  ।

ଦିନେ ମୁଁ ଦେଖିବି ତାକୁ 

ଏହା ମୋର ଆଶା

ସେଇ ଦିନ ପୂର୍ଣ୍ଣ ହବ

ମୋ ଲେଖାର ପରିଭାଷା !