ରଜ ମଉଜ
ରଜ ମଉଜ
॥ ୧॥
ଆସିଲା ରଜମଉଜ
ବନସ୍ତେ ଡାକିଲା ଗଜ
ମୟୂର ନାଚିଲା ତାର କଳାପ ଟେକି,
ପ୍ରଥମ ବରଷା ଧରି,
ବାରିଦ ବିଜୁଳି ମାରି
ଭୂମି ରଜୋବତୀ ଶୁଭଲଗନଦେଖି,
ଆନନ୍ଦ ଉଲ୍ଲାସ ଧରଣୀ,
ନବୀନ ସୃଷ୍ଟି ସମ୍ଭାର ଉତ୍ସାହ ଆଣି ॥
॥ ୨॥
ନବୀନ ଆଶାରେ ଧାରା
ସପତ ରଙ୍ଗରେ ଭରା
ଦାରୁଣ ନିଦାଘ ତାପ କଲା ବିନାଶ,
ନବ ପ୍ରାବୃଟ ଆଗମେ ,
ନବ ଉଦ୍ଦୀପନା ପ୍ରେମେ
ଜନମାନସକୁ କରିଦେଲା ସରସ,
ଏ ରଜ ପରବେ ବନିତା,
ମଥାରେକୁଙ୍କୁମପାଦେଶୋଭାଅଳତା
॥ ୩॥
ସାଙ୍ଗସାଥି ଥଟ୍ଟା ମଜା ,
କୁମାରୀଙ୍କ ସାଜସଜା,
ଓଠର ଲାଲିମା ସୁନ୍ଦର ରଜପାନରେ
କେତେ ହାସପରିହାସ
ଅତର ମଖା ସୁବାସ
ଲଳିତ ରଜଗୀତର ମଧୁ ଝଙ୍କାରେ,
ଯୋଡିନାଗରାର ଶବଦ ,
ଗାଁ ଦାଣ୍ଡେଯୁବଦଳକ୍ରୀଡାଆମୋଦ ।
॥ ୪॥
ମଣ୍ଡପରେ ପଶାଖେଳ
ଜମିଯାଏ ସାଥିମେଳ
ରଜପୋଡପିଠା ସ୍ଵାଦ ନହୁଏ ଭୁଲି,
ଭୂମିଦେବୀପୂଜା ସାରି,
ଓଡିଆଣୀ କୁଳନାରୀ
ଲୌହଲଙ୍ଗଳେଚନ୍ଦନ ସିନ୍ଦୁରବୋଳି
ହୁଳହୁଳି ମଙ୍ଗଳଧ୍ଵନୀ ,
ଉତ୍କଳୀୟ ସଂସ୍କୃତିର ଏ ସୁରଧୁନୀ ॥
॥ ୫॥
ଜ୍ୟେଷ୍ଠ ମାସ ଶେଷଦିନ
ଆଷାଢର ଆଗମନ
ପ୍ରଥମ ଦ୍ୱିତୀୟ ଆଉ ତୃତୀୟରଜ,
କୁମାରୀ ବୋହୂ ବନୀତା ,
ନବବସନେ ଆବୃତା
ପୁଲକ ଭରି ମନରେ ହୁଅନ୍ତି ସଜ
ଆମ୍ବଗଛେ ଖେଳନ୍ତି ଦୋଳି,
ମକର ସହିସଙ୍ଗାତ ସରବେ ମିଳି ॥
॥ ୬॥
କୃଷକ ରଖେ ସ୍ଥଗିତ
କୃଷି କାର୍ଯ୍ୟରୁ ବିରତ
ରଜ ତିନିଦିନ ବସୁମତୀ ବିଶ୍ରାମ,
ଓଡ଼ିଆ ରଜ ପରଵ
ଅଟେ ଆମର ଗରବ,
ଉତ୍କଳୀୟ ସଂସ୍କୃତିର ସାରମରମ,
ନଵପ୍ରେରଣାର଼ ନିର୍ଝର,
ପ୍ରତିପ୍ରାଣେଦିଏ ନିତ୍ୟନୂତନସ୍ୱର ॥