ରିମ୍ ଝିମ୍ ବରଷା

କଳା ବାଦଲର ବର୍ଷଣ ଆଜି ଆମ ଧରାରେ

କ୍ଷୁଦ୍ର ଜଳବିନ୍ଦୁର ଟପ ଟପ ଝରେ ସ୍ୱରରେ ll

ମନ କରେ ଉନ୍ମତ୍ତ ଅତି ରଂଜିତ ବପୁ ତାନେ

କାହିଁ କାହିଁ ବ୍ୟକ୍ତି ଗଣ ମାତନ୍ତି ହର୍ଷ ସୁମନେ ll

କୃଷି ଜୀବି ଧରଣୀ ସନ୍ତାନ ଦାନାଦ ସେମାନେ

କରନ୍ତି ବୀଜ ବିକ୍ଷେପ ଭୂମେ ଖୋଳି ହଳ ମୁନେ ll

 କାନ୍ଦେ ପଦ୍ମ ବସି ତଡ଼ାଗେ କଇଁକଇଁ ରଟନାରେ

ଶ୍ରାବଣୀର ଅସର ହୁଏ ଅସହ୍ୟ ସଦା ତାହାରେ ll

କାଳ୍ପନିକ ପ୍ରେମୀ ଜନ ପଦେ ବର୍ଷାତି ପରିଧାନେ

ପ୍ରେମର ପସରା ମେଲାଇ ଯାନ୍ତି ଗପି ସ୍ଵଯାନେ ll

ନବ କିଶୋର କିଶୋରୀ ପ୍ରାଣେ ଭରି ସୁଖ ବରଷା

ଅନେକ ଭବିଷ୍ୟ କଳପନାର ଆଶା ଓ ଭରସା ll

ସ୍ୱଗୃହେ ବରିଷ୍ଠ ଦମ୍ପତ୍ତିଗଣ ଭାଷନ୍ତି ହୃଷ୍ଟ ଚିତ୍ତେ

ଦିଅ ମୁଠେ ମୁଢ଼ି ସୋରିଷ ତେଲ ଗୋଳା ହାତେ ll

ଗାଁ ନଈ କୂଳେ ପେଷାଦାର ନାଉରୀ ପୁଅ ଡାକଇ

ଆସ ଆସ ଯାତ୍ରୀ ଆରପାରିକୁ ନେବି ଭସାଇ ll

ଜଳଚର ଜୀବେ କରନ୍ତି ବିଚରଣ ନଦୀ ଗରଭେ

ଉଭୟଚର ବେଙ୍ଗବେଙ୍ଗୁଲି ବୁଲନ୍ତି ରତି ଗରବେ ll

ପିଣ୍ଡ ଦାତା ବରଷା ଋତୁ ଅଟଇ ମିତ୍ର ଜଗତର

ସୃଷ୍ଟିର ନିୟମ ଡୋରେ ବନ୍ଧା ଥାଏ ଏକ ମାତର ll

     *************