ପ୍ରତାରଣାର ରଙ୍ଗ

ବାସ୍ତବ ପ୍ରେମ କି ମରି ପାରେ କେବେ?

ଜଳି ମରେ ଅନୁଭବୀ,

ତୁମ ପ୍ରତାରଣା ସଜାଇଛି ତେଣୁ 

ମୋତେ ବିରହର କବି।

ବୈଶାଖୀ ନଈ ମୁଁ ତୁମ ପ୍ରତୀକ୍ଷାରେ

ନିଇତି ପିଟୁଛି ମଥା, 

କିଏ ଜାଣିଥିଲା ମଲା ନଈ ସାଜି 

ଲେଖିବି ବିରହ ଗାଥା?

ଆଶାର ସ୍ତିମିତ ପ୍ରଦୀପ ଶିଖାଟି 

ଜଳେ ହୃଦ ଚଉରାରେ, 

ତୁମକୁ ପାଇବା ସ୍ବପ୍ନ ସରେନା 

ପଦ୍ମ ଘୁଞ୍ଚେ ଧୀରେ ଧୀରେ ।

ଅପନିନ୍ଦା କେବେ ଦେଇନି ତୁମକୁ 

ହେ ମୋର ଶ୍ରାବଣ ରାତି,

ତୁମ ପ୍ରତାରଣା କବିତା ଲେଖିବି 

ମୁଁ ବା ଜୀବନ୍ତ କେଉଁଠି?

ରାତି ଉଜାଗର ସ୍ମୃତିରେ ତୁମର 

ତୁମ କଥା ଭାବି ଭାବି,

ତୁମ ବିରହର କରୁଣ ରାଗିଣୀ

ସଜାଇଛି ମୋତେ କବି।