ପ୍ରକୃତି ରାଣୀ

ପ୍ରକୃତି ରାଣୀ ତା ଅପାର କରୁଣା

ଦେଇଛି ଧାରରେ ଢାଳି

ମାନବ ଜାତିକୁ ପୃଥିବୀ ପୃଷ୍ଠରେ

ଶ୍ରେଷ୍ଠ ସ୍ଥାନ ଦାନ କରି

ମାନବ ଜାତିଟା କେତେ ଯେ କୃତଘ୍ନ

ନିଜ ସ୍ୱାର୍ଥ ଚିନ୍ତା କରେ

ପ୍ରକୃତି ରାଣୀ ର ଗୌରବ ଗାରିମା

ନଷ୍ଟ କରି କରି ଚାଲେ

ପ୍ରକୃତି ତଥାପି ଆପତ୍ତି କରେନି 

କରେ ସଭିଙ୍କ ପୋଷଣ

ମୃତ୍ୟୁ ପରେ ଲୋକେ ତାହାରି କୋଳରେ

ହୋଇଥାନ୍ତି ସର୍ବେ ଲୀନା

ପ୍ରକୃତି ରାଣୀର ଗୌରବ ଗାରିମା

ମୁଖ ରୁ ମୋ ସରୁ ନାହିଁ

ତ୍ରୁଟି ଥିବା ଯଦି ନିଜ ଛୁଆ ଭାବି

କ୍ଷମା କରିବେ ଗୋସାଇଁ ।