ପ୍ରିୟା ଆଖିରେ

ପ୍ରିୟା ନାଇଛି କଜଳ ତା ଆଖିରେ

ଦେଖୁଛି ମୋତେ ତା ଲାଜୁଆ ଆଖିରେ

କହିଯାଏ କେତେ କଥା ଆଖିମିଟିକାରେ

ମୁହଁମୋଡ଼ି ଚାଲିଯାଏ ମୁଁ ବୁଝି ନ ପାରିଲେ        !

କାଉଁରୀ କାମାକ୍ଷ୍ୟା ଯାଦୁ ତୋ ଆଖିରେ

ଭାବନା ମନ୍ଦିରରେ ସଦା ମୋତେ ଭିଯାଏ

ଯେତେଥର ଭାବେ ତା ଭାବରେ ଭିଜେ

ପ୍ରୀତିଫଗୁଣରେ ମୋତେ ନିଜର କରାଏ       !

ଅସୁମାରୀ ସ୍ୱପ୍ନ ଆଙ୍କେ ତା ଆଖିରେ

ମୋତେ ରଖିଥାଏ ସଦା ହୃଦୟ ସ୍ପନ୍ଦନେ

ଦିବାରାତ୍ର ବିତାଇଛି ଉଜାଗରେ ନୀରବରେ

ମୋ ବାଟକୁ ଚାହିଁ ବସିଛି ତିମିଅନ୍ଧାରରେ        !

ନିଦକୁ ମାରିଛି ତା କୋମଳ ଆଖିରେ

ବିନାସ୍ୱାର୍ଥରେ ଗପିଚାଲେ ରାକାରଜନୀରେ

ନୂତନ ପ୍ରେମ କେବେ ବିରାମ ନେଇନି

ପ୍ରେମ ଆଞ୍ଜୁଳାରେ ଦୁହିଁଙ୍କୁ ରଖିଛି ସାଇତି       !

ତୋ ଆଖିର ସେଇ ମିଠା ନଜରରେ

ପାଗଳ କରିଛି ମୋତେ ତୋ ପ୍ରେମ ପରଶରେ

ତୋତେ ରଖିଛି ମୁଁ ମୋ ହୃଦୟମନ୍ଦିରରେ

ନିଜର କରିନେବି ଦିନେ ପ୍ରେମ ପାଲିଙ୍କିରେ      !

ଭରସା ଅନେକ ଦେଇଛି ତୋ ଆଖି

ପ୍ରତାରଣା'ର ମହକ'ଠୁ ମୋତେ ରଖିଛି ଦୁରେଇ

ସୁମରଣା କରେ ସଦା ଇଶ୍ଵରଙ୍କ ନିକଟରେ

ଚିରକାଳ ପାଇଁ ରହୁ ଏ ସମ୍ପର୍କ ଦୁହିଁଙ୍କ ଭିତରେ    !

ତୋ ଆଖି ଯେବେ ଭରିଯାଏ ଲୁହରେ

ଯନ୍ତ୍ରଣାର କୁହୁକ ମୋ ହୃଦୟେ ବାଜେ

ସମୟ ଚକ୍ରର ଡୋରି କେବେ ଲୁହ ନ ଆଣୁ

ଆମ ଦୁହିଁଙ୍କର ଯୋଡି ସଦା ହସୁଥାଉ         !