ପ୍ରେମ

ପ୍ରେମ କାହା ପାଇଁ ସ୍ମୃତିଭରା ହସ,

କାହା ପାଇଁ ଦୁଖଃଭରା ।

ପ୍ରେମ କାହା ପାଇଁ ଖରାବେଳ ସ୍ବପ୍ନ,

କାହା ଆଖିର ସେ ତାରା ।।

ପ୍ରେମ କାହା ପାଇଁ ତ୍ୟାଗ ଓ ପ୍ରେରଣା,

କାହା ପାଇଁ ଉନ୍ମାଦନା ।

ପ୍ରେମ କାହା ପାଇଁ ଈଶ୍ୱରଙ୍କ ଦାନ,

କାହା ପାଇଁ ସେ ଛଳନା ।।

ପ୍ରେମ କାହା ପାଇଁ ସତ୍ୟ ଓ ଶାଶ୍ୱତ,

କାହା ପାଇଁ ସେ ବାହାନା ।

ପ୍ରେମ କାହା ପାଇଁ ସରଗଠୁ ବଡ,

କାହା ପାଇଁ ସେ ଅଚିହ୍ନା ।।

ପ୍ରେମ କରି କିଏ ପାଏ ସବୁଖୁସି,

କିଏ ପ୍ରତାରଣା ପାଏ ।

ଦେବାରେ ଆନନ୍ଦ ବୁଝେ ହୃତସ୍ପନ୍ଦ,

ପ୍ରେମର ନିୟମ ଇଏ ।।

ତଥାପି ମଣିଷ କରେ ଏଠି ପ୍ରେମ,

ବିଶ୍ୱାସକୁ ସାଥେ ନେଇ ।

ବିଶ୍ୱାସ ନଥିଲେ ପ୍ରେମ ଅସମ୍ପୂର୍ଣ୍ଣ,

ନାଉରିଆ ବିନା ନଈ ।।