ପ୍ରେମ ଏକ ବନ୍ଧନ

ଜୀବନ ଶିକୁଳିରେ ବନ୍ଧା,

ପ୍ରେମ ଏକ ବନ୍ଧନ |

ତାର ଅନୁଭୂତି ଅନନ୍ତ,

ତାର ତୃପ୍ତି ଚିରନ୍ତନ ||

ପ୍ରେମର ଥାଏ ଅନେକ ରଙ୍ଗ,

ଅନେକ ରୂପ, ଅନେକ ଢଙ୍ଗ |

କେବେ ସିଏ ମମତା ରୂପରେ,

ଭରିଦିଏ ବାତ୍ସଲ୍ୟତା,

କେବେ ବନ୍ଧୁ ପରିଜନଙ୍କ ସୌହାର୍ଦ୍ୟରେ,

ଗଢେ ଅନେକ ସ୍ମୃତି ମିଠା ||

କେବେ ପ୍ରେମିକାର ପ୍ରେମରେ,

ଭରିଯାଏ ସ୍ମିତ ହାସ୍ୟଟିଏ |

ତ କେବେ ଝରିଯାଏ ଆଖିରୁ ଦି' ଟୋପା,

ଭାବି ଝୁରି ହଉଥିବା ମନଟିଏ ||

କେବେ କାହାକୁ ଦୁଃଖରେ ଦେଖି,

ହୃଦୟରେ ଭରେ କାରୁଣ୍ୟତା |

ମନରେ ଆସେ ସତେ ବଦଳିବା ପାଇଁ,

ଦୁନିଆଁର ଅନୁଚିନ୍ତା ଓ ବୃଷ୍ଟି ହଉ ମାନବିକତା ||

ସବୁ ତ ପ୍ରେମ , ଆଉ ତାହାରି ରୂପ,

ମାପକାଠି ନୁହଁ ପୁଣ୍ୟ କି ପାପ |

ପ୍ରତି ଏକ ରୂପରେ ସେ ଅଟେ ନିଆରା,

ପ୍ରେମ ଏକ ବନ୍ଧନ, ପ୍ରେମ ଏକ ତପ ||