ଫଗୁଣ ଆସିବା ଡେରି ହେଲାଣି
ଫଗୁଣ ଆସିବା ଡେରି ହେଲାଣି
ଆଗପରି ଆଉ ଫଗୁଣ ମାସରେ
ଗଛରୁ ପତର ଖସୁନି
କଅଁଳ ପତର ବହଳ ଭିତରୁ
କୋଇଲିର କୁହୁ ଶୁଭୁନି ।
ବଉଳଫୁଲର ମହକରେ ଆଉ
ମନଟା ବାଉଳା ହେଉନି
ଏ ଯାଏ ଧରା ରେ ଶୀତୁଆପବନ
ଲୋମ ତାଙ୍କୁରାଇଦେଲାଣି ।
କୁହାକଥା ସିନା ବସନ୍ତଆସିଲେ
ଚାରିଆଡ ଶୋଭା ଦିଶିବ
ମଧୁମକ୍ଷିକାର ମଧୁର ଛୁଆଁରେ
ଫୁଲରାଣୀ ହସି ଉଠିବ ।
ପରବପାଇଁ କି ଗରବ ଆମର
ହୋରି ଖେଳ ଦୋଳଗୀତ
କାକର କୁହୁଡି ପୁଣି ଆସେ ମାଡି
ଜମା ସରୁନାହିଁ ଶୀତ ।
ଵିଧି ବିଧାନ ରେ ଅଘିରା ପୁନେଇଁ
ଜାଗର ଯାତରା ହୋଲି
ସରିଯିବ ସିନା ଫଗୁଣ ଆସିବା
ମରତେ ହୋଇବ ଡେରି ।