ନିଶ୍ଚୟ ଜିତିବା

 କମୁନାହିଁ ମୃତ୍ୟୁ ସ°ଖ୍ୟା

 ବଢେ ସ°କ୍ରମଣ

 ଜୀବନ ଜୀବିକା ପାଇଁ

 ଯାଏ କେତେ ପ୍ରାଣ ।

 କରୋଣା ର ପ୍ରକୋପର

 କରୁଣ କାହାଣୀ

 କହୁଥିଲେ ସରିବନି

 ସହିବି ହେବନି ।

 ସମାଜରୁ ସ°କ୍ରମିତ

 ହୁଅନ୍ତି ବାସନ୍ଦ

 ସ°କ୍ରମଣ ଆଶଙ୍କାରେ

 ହଜିଯାଏ ନିଦ ।

 ଗୃହବନ୍ଦୀ ବରିଷ୍ଠଙ୍କ

 ଟଳମଳ ପାଦ

 ମାନସିକ ଚିନ୍ତା ଯୋଗୁ

 ବଢେ ଅବସାଦ ।

ଶିଶୁ ହୁଅନ୍ତୁ କି ସିଏ

ହୁଅନ୍ତୁ କିଶୋର

ଘରେ ରହି ପିଲାଗୁଡା

ହେଉଛନ୍ତି ବୋର୍ ।

କରୋଣା କୁ ନେଇ ନିତି

ନୂଆ ନୂଆ କଥା

ପଢିପଢି ଶୁଣିଶୁଣି

ବଢେ ମୁଣ୍ଡବଥା ।

ଗୁଜବ ବି ବେଳେବେଳେ

ଦେଉଛି ଡରାଇ

ଗୁଜବକୁ ଦୟାକରି

କାନ ଦିଅ ନାହିଁ ।

ଡରିବାନି ହାରିବାନି

ସତର୍କ ରହିବା

କଟକଣା ମାନି ଆମେ

ନିଶ୍ଚୟ ଜିତିବା ।