ନିର୍ଦ୍ଦୟ କଥା
ନିର୍ଦ୍ଦୟ କଥା
ଝର୍ ଝର୍ କରି ଝରିଗଲା ଅଶ୍ରୁ
ରୋକି ପାରିଲେନି କେହି,
ମରିଗଲା ପରେ ଅଶ୍ରୁ ଢାଳିଦେଲେ
ଫେରି ଆସିବନି ସେହି ॥
ଜୀଇଁ ଥାଉ ଥାଉ ପଚାରିଲନି ତାକୁ
ସତେକ ସେ ଥିଲା ଅଜଣା,
ମିରିଗଲା ପରେ ଯେତେବି କାନ୍ଦନା
ଲାଗିବ କୁମ୍ଭୀର କାନ୍ଦଣା ।
ହଜିଗଲା ସେ ଅନ୍ଧାର ଆକାଶେ
ଛୋଟ ଉଜ୍ଜଳ ଟେ ସାଜି ,
ଅଶ୍ରୁଳ ଆଖିରେ ବିଦାୟ ଟେ ଦେଇ
ପାରିବ କି ତା' ଋଣ ସୁଝି ॥
କାରଣ ଟି କେବେ ପଚାରନା ମୋତେ
କାରଣଟା ହେବ ଛାର ,
ଉତ୍ତରଟା ତୁମେ ଖୋଜି ବୁଲୁଥାଇ
ନିଜ ଜୀବନ ଟା ହେବ ପାର ॥
ସତ କହିଦେଲେ ବାଧିବ ସଭିଁଙ୍କୁ
ହୋଇବ ମନରେ ବ୍ୟଥା ,
ହେଲେ ବି କଥାଟି ସମ୍ପୂର୍ଣ୍ଣ ସତ
ହେଉ ପଛେ ନିର୍ଦ୍ଦୟ କଥା ॥