ଦଶହରା ର ଦଶାନନ

ଦଶାନନ ଏବେ ବଧ ମୂଖରେ,

ଧନୁସର ଧରି ରାମ ବେଶରେ,

ବସିଛି ସେ ହନୁମନ୍ତ କାନ୍ଧରେ,

ଚାହିଁଛି ନାଭିକୁ ଏକ ଲୟରେ ।

କଳଙ୍କ ରୂପୟ ରାବଣ ଆଜି,

ହସୁଛି ସେ କାଳ ଚିତ୍କାର ସାଜି,

ରାବଣ ବି ଜାଣେ ରାମ ଜିତିବ ବାଜି,

ହେଲେ ବି ମୃତ୍ୟୁକୁ ରାବଣ ରାଜି ।

ରାବଣ ଶରୀରେ ରାମର ବାଣ,

ଯୁଗ ଯୁଗ ପାଇଁ ଉଦାହରଣ,

ସତ୍ୟର ଜୟରେ ସାଧନା ଜ୍ଞାନ,

ନାରୀ ଜାତିର ଏ ସ୍ଵାଭିମାନ ।

ରାବଣ ଠୁ ବି ବଡ଼ କଳଙ୍କ ଆଜି,

ଅଛନ୍ତି ସମାଜେ ସନ୍ୟାସୀ ସାଜି,

ଚିହ୍ନିଗଲେ ତହିଁ ରକ୍ଷା ପାଇବ,

ଅନ୍ୟଥା ନୂତନ ରାମାୟଣ ବୋଲାଇବ ।

ଦଶହରାରେ ଦଶାନନର ବଧ,

ସମାଜ ପାଇଁ ଜ୍ଞାନ ଔଷଧ,

ତେଜି ଯାଅ ଯଥା ଶୀଘ୍ର ହେ ନିର୍ବଦ୍ଧ,

ଅନ୍ୟଥା ହେଇଯିବ ବିଳମ୍ବିତ ।