ମୁଁ ସମୟ କହୁଚି

ମଣି ବନ୍ଧ ପରେ କାନ୍ଥର ଉପରେ

ମୋବାଇଲ ପରଦାରେ

ମୁଁ ସମୟ ଗାଉଛି ଜୀବନର ଗାଥା

ଅବିରତ ଧୀରେ ଧୀରେ l

ଗତି ନୁହେ ଧୀର. ନୁହଁଇ ପ୍ରଖର

ଚାଲେ ସମ ଗତି କରି

କେ ଅଛି ଧାରାରେ. ମହା ଶକ୍ତିଶାଳୀ

ରୋଧୀ ବ ଗତି ମୋହରି l

ଗତି କରି ସର୍ବେ. କହି କହି ଯାଏ

କାର୍ଯ୍ୟ ରେ ନ କର ହେଳା

ମୋ ଗତିରେ. ଅନୁବର୍ତ୍ତିତା ନହେଲେ

ବୁଡ଼ିବ ତୁମରି ଭେଳା l

ଥରେ ଚାଲିଗଲେ. ନ ଫେରିବି ଆଉ

ପ୍ରକାଶିଲେ ଯେତେ ବଳ

ଧନ, ମନ, ଜ୍ଞାନ. ଧରମ, କରମ

ଅଥବା ଶାସନ କଳ l

ଆଜିର କାମକୁ. ଅବହେଳା କରି

ଯେ ଚିନ୍ତେ କରିବ କାଲି

କେ କହିବ କାଲି. ଗତି ପାଥ ତାର

ବଦଳି ନ ଯିବ ବୋଲି.l

ଏ ସୃଷ୍ଟିର ସବୁ. ସ୍ଥାବର ଜଙ୍ଗମ

ଜୀବ ଓ ନିର୍ଜୀବ ଯେତେ

ସଭିଙ୍କର ଜନ୍ମ. ସ୍ଥିତି ଓ ବିଲୟ

ବନ୍ଧା ମୋର ଗତି ସୂତ୍ରେ l

ଆଳସ୍ୟକୁ ଛାଡି କର୍ମ ଫଳ ହୁଡି

ହୁଅ କର୍ମ ଅନୁଗାମୀ

କର୍ମ ସହ ଫଳ ଯୋଡା ହୋଇ ଅଛି

ପ୍ରତି ଫଳେ କର୍ମ ଘେନି l

ସମୟର ଧର୍ମ. ନିରନ୍ତର ଗତି

ଫଳ ର ଆଶା ନକରି

ନିଷ୍କାମ କର୍ମରେ. ନିୟନ୍ତା ଯୋଡ଼ିଲେ

ସଭ୍ୟଙ୍କର ଭାଗ୍ୟ ଡୋରି l

ତେଣୁ ଶୁଦ୍ଧି ଜନେ. ଚିନ୍ତାକରି ମନେ

କାର୍ଯ୍ୟରେ କାମନା ହୁଡ଼ି

ସାକାମ କରିଲେ. ପାପ ପୁଣ୍ଯ ବେନି

ରହି ଥାଏ ହୋଇ ଯୋଡି l

ସମୟ ଗତିରେ. କର୍ତ୍ତବ୍ୟକୁ ଯୋଡି

ଯେ କର୍ମ କରଇ ନିତି

ସେ କର୍ମରେ ଫଳ. ଛାଏଁ ଛାଏଁ ଫଳେ

ବଦଳେ ଜୀବନ ଗତି l