ମୁଁ ଓ ମୋର ନୀରବ ପ୍ରଶ୍ନ
ମୁଁ ଓ ମୋର ନୀରବ ପ୍ରଶ୍ନ
କେଜାଣି କାହିଁକି
ଆଜି ମୋର ଏକା ରହିବାକୁ ଇଚ୍ଛା ହୁଏ
ହୃଦୟ ର ସବୁ ଯନ୍ତ୍ରଣା ଓ ବ୍ୟଥା କୁ
ଏକା ସହି ଯିବାକୁ ଇଚ୍ଛା ହୁଏ
ଅତୀତ ର ପୃଷ୍ଠା ଓଲଟେଇ
ଭବିଷ୍ୟତ କୁ ଖୋଜିବାକୁ ଇଚ୍ଛା ହୁଏ
ସମ୍ପର୍କ ର ସୂତା ଖିଅ ଟିକୁ
ପରଖି ବାକୁ ଇଛା ହୁଏ
କିଛି ଉତ୍ତର ପାଇବା ଆଶାରେ
ନିଜକୁ ନୀରବ ପ୍ରଶ୍ନ ଟିଏ କରିବାକୁ ଇଚ୍ଛା ହୁଏ
ପ୍ରିୟଜନ ଙ୍କ ଜୀବନ ରେ ନିଜର
ଅସ୍ତିତ୍ବ ସମ୍ବନ୍ଧ ରେ ଜାଣିବାକୁ ଇଚ୍ଛା ହୁଏ
ଏ ବୁଦ୍ଧିମାନ ସମାଜ ସାମ୍ନା ରୁ ନିଜର
ଦୋଷ ଦୁର୍ବଳତା ଲୁଚେଇବାକୁ ଇଚ୍ଛା ହୁଏ
ଦୁନିଆ ର ମାପକାଠି ରେ ତଉଲିବା ପୂର୍ବ ରୁ
ନିଜକୁ ବଦଳେଇ ଦେବାକୁ ଇଚ୍ଛା ହୁଏ
ମନକୁ ହାଲୁକା କରିଦେବାର ପ୍ରୟାସ ରେ
ହୃଦୟ ଖୋଲି କାନ୍ଦିବାକୁ ଇଛା ହୁଏ
କେଜାଣି କାହିଁକି ?
ଏତେ ଆତ୍ମୀୟ ଙ୍କ ଭିତରେ ମୋତେ
ଏକା ରହିବାକୁ ଇଚ୍ଛା ହୁଏ ।