ମରତେ ଅଦ୍ଭୁତ ଲୀଳା
ମରତେ ଅଦ୍ଭୁତ ଲୀଳା
ଯମୁନା ନଈର ବାଲି,
ବରଷକ ଥରେ ଆସିଛି ହୋଲି,
ନାଚ ଆଜି ଝୁଲି ଝୁଲି l
ନିଆଳି ଝରା ପୀୟୂଷ,
ବୃନ୍ଦାବନେ ଯିବା ମିତଗୋ ଆସ,
କହ୍ନେଇ ବସନ୍ତ ରାସ l
ବ୍ରଜଦାଣ୍ଡେ ବନମାଳୀ,
ଶ୍ରୀଦାମ, ସୁବଳ, ଅର୍ଜୁନ, ହଳୀ
ବ୍ରଜ କାମିନୀ ଗହଳି l
ମଥୁରା କହ୍ନେଇ ଗଲା,
ମଞ୍ଚାରୁ ପଡ଼ିଲା ମାମୁଁଟା ମଲା
ମଞ୍ଚ ପରେ ବସିଥିଲା l
ଆନନ୍ଦ ଯଶୋଦା ନନ୍ଦ,
ହୋଲି ଖେଳୁଛନ୍ତି ପରମାନନ୍ଦ,
ସଖା ସଖୀ ବୃନ୍ଦ ବୃନ୍ଦ l
ମଥୁରା କଟକ ହାଟ,
ରଙ୍ଗ ଅବିରରେ ଲାଗିଲା ନାଟ
ନନ୍ଦ ଚାଟ ନଟ ଖଟ l
ହାତେ ରଙ୍ଗ ପିଚକାରୀ,
ଭବରଙ୍ଗ ରଙ୍ଗେ ଆନନ୍ଦକାରୀ
ଆନନ୍ଦକନ୍ଦ ଶ୍ରୀହରି l
ଭକ୍ତରଙ୍ଗ ରଙ୍ଗେ ବାଇ,
ଶ୍ରୀମତି ଶ୍ରୀପତି କଳା କହ୍ନାଇ,
ନାଚ ସବୁ ଥେଇ ଥେଇ l
ଧନ୍ୟରେ କଳା ନାବିକ,
ଗୋପ ଗୋପାଳୁଣି କଳା ମାଣିକ,
ଭବ ବାରିଧି ବାୟକ l
ମରତେ ଅଦ୍ଭୁତ ଲୀଳା,
ଧନ୍ୟ ଶିରିପତି ରୂପ ତୋ କଳା
ଅଧମ ପାଦେ ନମିଲା l