ମୋତେ ଜନ୍ମ ଦିଅ

ହେ ମା' ! ମୋର କ'ଣ ଦୋଷ ?

ମୁଁ ଦୁନିଆ ଦେଖିବା ଆଗରୁ ମୋତେ

ଅନ୍ଧାରି ମୂଲକରୁ ଶେଷ କରିଦେଉଛ ,

ଓଃ ମୁଁ ଝିଅଟେ ବୋଲି

ତମେ ବି ତ ମୋ ପରି ଝିଅ

ହେଲେ ତୁମ ମାଆ ତୁମକୁ

କେମିତି ଜନ୍ମ ଦେଇଛନ୍ତି ?

ସେ ବି ତ ତମକୁ ମାରି ପାରିଥା'ନ୍ତେ ?

ମୋତେ ବଞ୍ଚାଅ ମାଆ ମୁଁ

ଝାନ୍ସୀରାଣୀ ଲକ୍ଷ୍ମୀବାଈ ହେବି ,

ମୁଁ ମଦର ଟେର୍‌ସା ହେବି ;

ମୁଁ ପୁଅମାନଙ୍କ ପରି ତୁମର ସବୁ

ଆଶା ଓ ସ୍ଵପ୍ନକୁ ପୂରଣ କରିବି ମା'...

ମୋତେ ଜନ୍ମଦିଅ ମାଆ

ମୋତେ ବଞ୍ଚିବା ସୁଯୋଗ ମିଳୁ ମାଆ..

ମୋତେ ଏତେ ନିଷ୍ଠୁରତାର ସହ

ଏ ଅନ୍ଧାରି ମୂଲକ ମଧ୍ୟରେ

ମାରିଦିଅନା ମାଆ

ମାରିଦିଅନା ।

ପ୍ରତିମା ଓଝା

ଜଗତସିଂହପୁର