ମୋ ମାଟି ଚନ୍ଦନ ଭଳି
ମୋ ମାଟି ଚନ୍ଦନ ଭଳି
ସୈନିକଟିଏ ମୁହିଁ,
ଦେଶ ସୁରକ୍ଷା ପାଇଁ,
ସଦା ଜାଗ୍ରତ ହୋଇ,
ଶତ୍ରୁକୁ ଦେବି ହଟେଇ ।
ମୋ ଦେଶ ମୋ ମାଟି ମାଆ,
ତା' ଦୁଃଖରେ ହେବି ଠିଆ ।
ପଛଘୁଞ୍ଚା ଦେବି ନାହିଁ,
ଜୀବନ ଦେବାର ପାଇଁ ।
ଯା' ମାଟି ଚନ୍ଦନ ଭଳି,
ଦେହରେ ଦେବି ମୁଁ ବୋଳି ।
ଫଳାଇ ଦେବି ମୁଁ ସୁନା,
ସେ ମାଟିକୁ ଥରେ ଅନା ।
ସରଗଠାରୁ ସେ ବଡ଼,
ସହୁଛିରେ କେତେ ଝଡ଼ ।
ତା' ଦୁଃଖରେ ହେବି ଠିଆ,
ପତାଇ ଦେଇ ମୋ ହିଆ ।
ସେବାରେ ଦେଇ ମୁଁ ମନ,
ମଣିବିରେ ଭାଗ୍ୟବାନ ।
ମିଳିବ ସରଗ ସୁଖ,
ତା' ସେବା ହେଉ ମୋ ଲକ୍ଷ୍ୟ ।
ଜନନୀ ଜନମ ଭୂଇଁ,
ତା' ପରି ନାହିଁରେ କେହି ।
ଯା' ପାଣି, ପବନ, ମାଟି,
ଗଢିଛି ଜୀବନ ଗୋଟି l