ମୋ ଗାଁ
ମୋ ଗାଁ
ଦୂର ରୁ ମୋ ଗାଁ ଦିଶୁଛି
ଆମ୍ବ ତୋଟା ଭିତରେ
ତାଳଗଛ ଘେରି ରହିଛି
ଝଙ୍କା ଡାଳ ପତରେ ¡
ପାହାନ୍ତାରୁ ଶୁଭେ ଗାଁରେ
କାଉ କୁକୁଡ଼ା ଡ଼ାକ
ସଞ୍ଜ ହେଲେ ନିତି ଦେଉଳେ
ଦୀପ ଜାଳନ୍ତି ଲୋକ ¡
ଚାରିଟାରେ ଗୋରୁ ମଇଁଷି
ଆସେ ଗୋଠରୁ ଫେରି
ଡେଇଁ ଡେଇଁ ଆସେ ଖୁସିରେ
ଗାଈ ସଙ୍ଗେ ବାଛୁରୀ ¡
ହଳକାମ ସାରି କ୍ଷେତରୁ
ଚଷା ବାହୁଡ଼ି ଥାଏ
ଗୀତ ପଦେ ପଦେ ବାଟରେ
ମନ ମଉଜେ ଗାଏ ¡
ଗାଆଁ ଦାଣ୍ଡେ ଖେଳ ଖେଳଇ
ସାଙ୍ଗ ସାଥିରେ ମିଶି
ପୋଖରୀ ରୁ ମାଛ ମାରଇ
ହାତେ ଧରି ବନିଶୀ ¡
ବାଡ଼ି ବଗିଚା ରେ ପାଚିଲା
ଫଳ ପାଚି ଝୁଲଇ
ସଂସାରେ ମୋ ଗାଆଁ ସୁନ୍ଦର
ସଦା ମନ ମୋହଇ ¡
ସବୁଠୁ ମୋ ଗାଆଁ ମହାନ
ତାକୁ ଭୁଲିବି ନାହିଁ
ଜୀବନ ଦେଇ ମୁଁ ତାହାର
ଟେକ ରଖିବି ମୁହିଁ ¡¡¡¡