ମୋ ବୋଉ

ଦଶ ମାସ ଦଶ ଦିନ ଗର୍ଭରେ ଧରି ଥାଉ 

କେତେ କଷ୍ଟ ନିଜ ଛୁଆ ଙ୍କ ପାଇଁ ସହୁ

ମୋ ବୋଉ

କେତେ ଶାନ୍ତି ଲାଗେ କୋଳରେ ତୋର 

ମୁଣ୍ଡ ନ ଆଉଁସି ଦେଲେ ଆଖିକୁ ଆସେନି ନିଦ ମୋହର 

ଗପ କହି କହି ଶୁଆଇ ଦେଉ 

ମୋ ବୋଉ

ବାପା ରାଗି ଗଲେ କୋଳେଇ ନେଉ

ଭୁଲ କଲେ କିଛି ଆ ଆ କହି ପାଖକୁ ଡାକି 

ମାରିବିନି କହି ବାଡେଇ ଥାଉ

ମୋ ବୋଉ

ନିଜେ ନ ଖାଇ ଆମ ମୁହଁ ରେ ଆହାର ଦେଉ

ଖରା ବର୍ଷା ସହି ନିଜ ପିଲା ଙ୍କୁ ଛାୟା ତୁ ଦେଉ

ଯେତେ କଷ୍ଟ ହେଉ ମୁହଁ ନ ଖୋଲି 

ଚୁପଚାପ ସହି ତୁ ଯାଉ

ମୋ ବୋଉ

ବାହାରୁ ଆସିଲେ ଆଖି ତତେ ନ ଦେଖିଲେ 

ମନ ହୁଏ ବ୍ୟାକୁଳ 

କାମ ଟିକେ କରିଦେଲେ ତୁ ତୋ ପଣତ କାନିରେ 

ପୋଛିଦେଉ ମୋ ଝାଳ

ତୋ ପରି ଭଲ ପାଇବା କିଏ ଲୋ ଦେବ ଆଉ 

ମୋ ବୋଉ ।