ମହା ଜାଗର ଉପାଖ୍ୟାନ
ମହା ଜାଗର ଉପାଖ୍ୟାନ
ମହା ଶିବରାତ୍ରି ଆଜି ଜାଗର
ମନେ ପଡେ କଥା ବାଣୀବିହାର ।
ସାଙ୍ଗସାଥି ମିଶି କଲେ ବିଚାର
ଦେଖି ଯିବେ ଲିଙ୍ଗରାଜ ମନ୍ଦିର ।
ବଡି ଭୋରୁ ଉଠି ହେଲେ ଉଛୁର
ଯାଇ ପହଁଚିଲେ ବିନ୍ଦୁସାଗର ।
ଲମ୍ବା ଧାଡି ଦେଖି ମାନିଲେ ହାର
ପାଚେରୀ ଡେଇଁକି ଗଲେ ଭିତର ।
ପ୍ରଭୁଙ୍କୁ ଆଣ୍ଠେଇ କଲେ ଜୁହାର
ପଛରୁ କିଏ ସେ ଦେଲା ପ୍ରହାର ।
ହାତ ଭିଡି ନେଇ କଲା ବାହାର
ଫାଣ୍ଡିରେ କଲା ସେ ବନ୍ଦୀ ନଜର ।
ଜଣା ପଡିଲାନି ଦୋଷ ପ୍ରକାର
ସ୍ଥାନାନ୍ତର କଲେ ଶହୀଦ୍ ନଗର ।
ଘଟଣାଟି ଯେବେ ହେଲା ପ୍ରଚାର
ଏକଜୁଟ ହେଲେ ସବୁ ଛାତର ।
କର୍ତ୍ତୃପକ୍ଷଙ୍କୁ ଘେରିଲେ ଏଥର
କଥା ହେଲେ ଏସ୍ ପି ଇନିସ୍ ପେକ୍ଟର ।
ସଭିଏଁ ଉପାସ ଚିନ୍ତାର ଭାର
ଭୀଷଣ ରାଗରେ ମୁଣ୍ଡ ଗରଗର ।
ଶେଷରେ ମିଳିଲା ଶୁଭ ଖବର
ଛାଡିବେ କହିଲେ ରାତି ଏଗାର ।
ଛାଡିଲା ମାତ୍ରକେ ପ୍ରଶ୍ନ ହଜାର
କେମିତି ବିତିଲା କାଳ ତୁମର ।
ଦୀର୍ଘଶ୍ୱାସ ଛାଡି ଶୁଭିଲା ସ୍ୱର
ଖାଇ ପିଇ ଶୋଇ ନ ଥିଲା ଡର ।
କପାଳ ନିନ୍ଦିଲେ ଶୁଣି ଉତ୍ତର
ଏ କି ଲୀଲା ପ୍ରଭୁ ଭୋଳାଶଙ୍କର ।
ବ୍ରତ କଲା ଖାଏ ଭରା ଉଦର
ନ କରିବା ଲୋକ ଉପବାସର ।
ଉପାଖ୍ୟାନ ଏ ତ ଶିବଜାଗର
ହରିବୋଲ ଆନନ୍ଦେ ଏକବାର ॥॥॥