ମାଆ କମଳିନୀ

ଦାରିଦ୍ର୍ୟଭଂଜନୀ

ମା ଗୋ କମଳିନୀ

ତ୍ରିପୁରସୁନ୍ଦରୀ ମୋହିନୀ ।

ପଦ ସ୍ପର୍ଶେ ତୋର

ଖୁସିର ଜୁଆର

ଲୋ ବ୍ରହ୍ମାଣ୍ଡୋଦର ଧାରିଣୀ ।

ଇନ୍ଦୁ ସୁଵିମଳେ

ବନ୍ଦେ ପଦତଳେ

ସନ୍ତତ ପ୍ରେମ ମନ୍ଦାକିନୀ ।

ଭୁବନ ପାବନ

ବନ୍ଦେ ତୋ ଚରଣ

ଭୁ ଚତୁର୍ଦଶ ପ୍ରଶବିନୀ ।

କରୁଣା ସାଗର

ଜନନୀ ଆମର

ସୃଷ୍ଟି ସ୍ଥିତି ଲୟ କାରିଣୀ ।

ବ୍ରହ୍ମ ସୁଧାମ୍ବୁଦ୍ଧି

କେଳିନୀ ସୁବୁଦ୍ଧି

ବ୍ରହ୍ମାତ୍ମୈକ ଶୁଭଙ୍କରିଣୀ ।

ଆଦ୍ୟା ଶକତି

ଦୈନ୍ୟ ମୁକତି

ତାପ ତ୍ରୟ ଭୟ ହାରିଣୀ ।

ଜୀବେଶ୍ୱରଭିତ୍

କୌତୁକି, ଚିନ୍ମୟୀ

ମହାକାଳହୃଦି ନର୍ତ୍ତିନୀ ।

ଜଗତ ତାରିଣୀ

ମୁକ୍ତି ବିଧାୟିନୀ

ନମେ,ଜୀବ ଗତି ଦାୟିନୀ ।

ନମସ୍ତେ କମଳା

ତ୍ରୀରୂପିଣୀ ମା

ହରି ହର୍ଷୋତ୍କରୀ ହରିଣୀ ।