କରୋଣା କୋପମାନସିକ ଚାପ

  ନିସଙ୍ଗ ଜୀବନ, ବୟସ୍କଙ୍କ ପାଇଁ

  ବଢାଉଛି ଅବସାଦ

  ବୟସ ବାଦକୁ କରୋଣା ବିପଦ

  ହଜାଇ ଦେଉଛି ନିଦ ।

  ତାଙ୍କ ପାଇଁ ମନା ହାଟ ବାଟ ଘାଟ

  ଗହଳୀକୁ ଯିବା ମନା

  ଘରଭିତରେ ସେ ଗୃହବନ୍ଦୀ ସବୁ

  ବୁଦ୍ଧି ହୋଇଯାଏ ବଣା ।

  ପ୍ରାତ ଭ୍ରମଣରେ ଯାଉଥିଲେ ନିତି

  ଭେଟୁଥିଲେ ସାଙ୍ଗ ସାଥୀ

  ମଧୁର ଆଳାପ ମଧୁର ଗଳପ

  ଲାଗୁଥିଲା ଟିକେ ଶାନ୍ତି ।

 କରୋନା ଦାଉରେ ସବୁ କଟକଣା

  କାହାକୁ ହେଉନି ଭେଟି

  ଆପଣା ଲୋକଙ୍କୁ ଆକଟ ସବୁଠି

  ମନହୁଏ ଛାଟିପିଟି ।

  କରୋଣା କୋପ କୁ ମାନସିକ ଚାପ

  ଯାତନା ଦେଉଛି ନିତି

  ସକାଳରୁ ସଞ୍ଜ ଖଟଟା ଉପରେ 

  ଚେଇଁ ଚେଇଁ ପାହେ ରାତି ।

  କାହାକୁ କହିବେ କିଏସେ ଶୁଣିବ

  ଦରଦୀ ମନର କଥା

  କରୋଣା ଭୟରେ ସାରା ଦୁନିଆର

  ହଜି ଯାଇଅଛି ଚେତା ।