Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

DILIP KUMAR SAHOO

Tragedy Others

4.6  

DILIP KUMAR SAHOO

Tragedy Others

କରୋଣା କୋପମାନସିକ ଚାପ

କରୋଣା କୋପମାନସିକ ଚାପ

1 min
53



  ନିସଙ୍ଗ ଜୀବନ, ବୟସ୍କଙ୍କ ପାଇଁ

  ବଢାଉଛି ଅବସାଦ

  ବୟସ ବାଦକୁ କରୋଣା ବିପଦ

  ହଜାଇ ଦେଉଛି ନିଦ ।

  ତାଙ୍କ ପାଇଁ ମନା ହାଟ ବାଟ ଘାଟ

  ଗହଳୀକୁ ଯିବା ମନା

  ଘରଭିତରେ ସେ ଗୃହବନ୍ଦୀ ସବୁ

  ବୁଦ୍ଧି ହୋଇଯାଏ ବଣା ।

  ପ୍ରାତ ଭ୍ରମଣରେ ଯାଉଥିଲେ ନିତି

  ଭେଟୁଥିଲେ ସାଙ୍ଗ ସାଥୀ

  ମଧୁର ଆଳାପ ମଧୁର ଗଳପ

  ଲାଗୁଥିଲା ଟିକେ ଶାନ୍ତି ।

 କରୋନା ଦାଉରେ ସବୁ କଟକଣା

  କାହାକୁ ହେଉନି ଭେଟି

  ଆପଣା ଲୋକଙ୍କୁ ଆକଟ ସବୁଠି

  ମନହୁଏ ଛାଟିପିଟି ।

  କରୋଣା କୋପ କୁ ମାନସିକ ଚାପ

  ଯାତନା ଦେଉଛି ନିତି

  ସକାଳରୁ ସଞ୍ଜ ଖଟଟା ଉପରେ 

  ଚେଇଁ ଚେଇଁ ପାହେ ରାତି ।

  କାହାକୁ କହିବେ କିଏସେ ଶୁଣିବ

  ଦରଦୀ ମନର କଥା

  କରୋଣା ଭୟରେ ସାରା ଦୁନିଆର

  ହଜି ଯାଇଅଛି ଚେତା ।


Rate this content
Log in