ଜୟ ଯବାନ୍

କିଏରେ ଚଣ୍ଡାଳ ବେଗେ ହୁଅ ହୁସିଆର

ମୁଁ ଅଟେ ବୀର ଯବାନ ଭାରତ ମାତାର l

ପଣ ମୁଁ କରିଛି ପଛେ ଶିର ଦେବି କାଟି

ମାତୃ ଭୂମିରୁ ଦେବିନି ଟିପେ ମାତ୍ର ମାଟି l

ଧନ୍ୟ ହେ ବୀରଯବାନ ଧନ୍ୟ ମହାଯୋଗୀ

ଦେଶସ୍ୱାର୍ଥମେଧ ଯାଗେ ହୋଇଅଛ ଭୋଗୀ l

ହେ ବୀର ଯବାନ ସୀମା ଜାଗ୍ରତପ୍ରହରୀ

ହୁଙ୍କାରେ ତୁମର ଶତ୍ରୁ ପଳାଉଛି ଡରି l

ରକତ ତୁମ ହିଆରେ ଫୁଟେ ଟକ ମକ

ଶିରାଳ ଯୁଗଳ ହାତେ କୃପାଣ ବନ୍ଧୁକ l

ଜନମ ତୁମର ମାତା ମାନ ରକ୍ଷା ପାଇଁ

ବାଜି ଜୀବନକୁ ଦେଇଛ ପାଣି ଛଡ଼ାଇ l

ଖରା, ଵର୍ଷା,ଶୀତ,ହିମ ନାହିଁଟି ଖାତର

ଜନମ ମାଟିର ସେବା ବ୍ରତଟି ମାତର l

ସୀମାରେ ଶୁଭଇ ତୁମ ବୀରତ୍ୱ ହୁଙ୍କାର

ହୁଙ୍କାର ସେ ନୁହେଁ ମାତୃପ୍ରେମର ଝଙ୍କାର l

ତୁମଲାଗି ଆମେ ଶୋଉ ନିଶ୍ଚୟ ଶାନ୍ତିରେ

ନିଦ୍ରା ନାହିଁ ତୁମ୍ଭ କିନ୍ତୁ ରାତ୍ରେ ଦିବସରେ l

ତୁମ୍ଭ ଲାଗି ଆମ୍ଭ ଝଣ୍ଡା ସଦା ଅଛି ଉଚ୍ଚା

ତ୍ରିରଙ୍ଗା ତଳେ ଜଣାଉ କୋଟିଏ ଶୁଭେଚ୍ଛା l

ତୋପେ ଗୁଡ଼ୁମ ଜୟ ହେ ଭାରତ କମାଣ

ହଜାରେ ସଲାମ ତୁଝେ ହେ ବୀର ଯବାନ l