ଜୀବନସାଥୀ ତୁମ ବିନା

ଜୀବନ ଆଜି ମୋ    ବିଜନ ଅରଣ୍ୟେ

    ଦିଗହରା ଏକ ପଥିକ

ତୁମେ ନାହଁ ସାଥି    ହାତ ଥାମିବାକୁ

    ବାକି ଅଛି ପ୍ରାଣ ଟିକକ।।

 ସେହି ଅରଣ୍ୟରେ   ଲୋତକ ତଟିନୀ

   ବହୁଛି ତୋର ଅପେକ୍ଷାରେ,

 ଫେରିଆସ ତୁମେ   ମୋହରି ପାାଖକୁ

  ମୋର ସପନର ସବାରୀରେ।

କିଛି ନଥିଲେ ବି   ଲୋତକେ ମୋହରି

   ଧୋଇଦେବି ତୁମ ପୟର,

ସେଦିନ ଲେଖିବ    ଅମର ଅକ୍ଷରେ

   ଗଳ୍ପ ଏ ଆମ ଜୀବନର।

ମୋର ସପନ କୁ   ତୋରଙ୍ଗ‌‌‌ ତୂଳୀରେ

   ଜୀବନ ଟିକେ ଭରିଦିଅ ,

ହାତ ମୋର ଧରି   ଜୀବନ ଟା ସାରା

  ମୋର ସାଥୀରେ ରହିଥାଅ।

ଜୀବନ ଲାଗୁଛି    ସରଶଯ୍ୟା ପରି

   କଷଣ ହୃଦୟେ ଭରିଛି,

ତୁମରି ପରଷ    ପାଇବାକୁ ଟିକେ

   ଶରୀରେ ପରାଣ ରହିଛି।

ସରଶଯ୍ୟାକୁ ତୁ    ମଧୁ ଶଯ୍ୟା କରି

    ପ୍ରଣୟ ଋତୁ ଆଣିଦିଅ,

ମଧୁ ଯାମିନୀରେ   ପ୍ରେମ ଭରିଦେଇ

   ନୟନେ ମୋର ଲୁଚିଯାାଅ ।‌