ଜୀବନର ସଂଘର୍ଷ

ସମୟର ସ୍ରୋତ ଅତି ନିରିଦୟ,

ଭାବି ଭବିଷ୍ୟତ ଲାଗେ ଭାରି ଭୟ ।

ବୁଡୁ ଥିବା ଲୋକ ସାହା କୁଟା ଖିଅ,

ଦଇବ ଦଉଡି ଯେଣେ ଟାଣି ନିଅ ।

ପଥର ହୃଦୟ କହନ୍ତି ସଭିଏଁ,

ପଛରେ ଅନେକ କାହାଣୀ ଯେ ଥାଏ ।

ଉଦାର ଲୋକଟି କିମ୍ପା ହେଲା ଏହା,

କାରଣ ଏହାର ସଭିଙ୍କୁ ଅକୁହା ।

ସରଳ ମନଟି ପାଏ ସଦା ଦୁଃଖ,

ସଦା ଚିନ୍ତା କରେ ସଭିଙ୍କର ସୁଖ ।

ବିଶ୍ୱାସ ମୂଳରେ ଥାଏ ଭଗବାନ,

ଏକଥା କେବେ ସେ ମନୁ ନ କରେ ଆନ ।

ଜିଣିବ ଦିନେ ସେ ଯୁଧ୍ୟ ଜୀବନର,

ହାରେନା କେବେ ହେଁ ମରି ସୁଦ୍ଧା ବୀର ।

ସଂଘର୍ଷ ବିନା ଏ ଜୀବନ ଅସାର,

ସଂଘର୍ଷ ହିଁ ତାର ଜୀବନ ଆଧାର।