ଜୀବନ-ମୃତ୍ୟୁ

ଜୀବନର ମାନେ ନୁହେଁ

ଭାବିବାକୁ ଖାଲି ---

ମୃତ୍ୟୁ କେବେ ଆସିବ, କେମିତି ଆସିବ

ଅବା କେଉଁଠି ଆସିବ---

ଆଜି ନା କାଲି ---- l

ମୃତ୍ୟୁ__

ସକାଳ ସୂର୍ଯ୍ୟୋଦୟ ର ସୁନେଲୀ ମୁହୂର୍ତ୍ତରେ

ଅବା, ଆସିବ ମଧ୍ୟାହ୍ନ ର ଧୁଃ ଧୁଃ ଖରାରେ

ଜଣା ନାହିଁ ସେ ପୁଣି ଆସିପାରେ

ସନ୍ଧ୍ୟାର ସେ ଘଣ୍ଟ ଘଣ୍ଟା ଆଳତୀ ଭିତରେ

ଥିବା,

ରାତ୍ରୀ ର ଅସରନ୍ତି ସ୍ୱପ୍ନ ମାନଙ୍କ ଭିତରେ ।

ହେଲେ----

ଏ ସବୁର ମାନେ ନାହିଁ ଏ ଜୀବନ ପାଇଁ

ସେ ତ ଆସିବ .___

ନା ତାକୁ ଲେଉଟାଇ ପାରିବା

ନା ତାକୁ ଆମେ

ତାରିଖ ପରେ ତାରିଖ ଦେଇ ପାରିବା 

ସେ ହେଉଛି---

ତା ଇଚ୍ଛାର ରାଜା ।

ହେଲେ,

ଜୀବନ ତ ଜୀଇଁବାକୁ ହେବ

ଜୀବନକୁ ବୁଝିବାକୁ ହେବ--

ଅନ୍ତରାତ୍ମା ର ଡାକ ଶୁଣିବାକୁ ହେବ ।

ଆମକୁ ବୁଝିବାକୁ ହେବ

ମଣିଷ ଜୀବନର ଅସଲ ଉଦ୍ଦେଶ୍ୟ।

ଜୀବନ ଜୀଇଁବାକୁ ହେବ

ଅନୁରାତ୍ମା ର ଡାକ ଶୁଣିବାକୁ ହେବ

ପୃଥିବୀ ବୁକୁରେ ଲେଖିବାକୁ ହେବ

ଅଭୁଲା କବିତା__

ଆଙ୍କିବାକୁ ହେବ ଅଲିଭା ଛବି ।

ଜୀବନଟା ଜୀଉଁ ଜୀଉଁ 

ଶେଷ ବିଦାୟ ନେବା ପୂର୍ବରୁ

ଗାଇବାକୁ ହେବ ମାନବିକତାର ମନ୍ତ୍ର

ବୁଣିବାକୁ ହେବ ଭଲ ପାଇବାର ବିହନ ।

ଆତ୍ମସନ୍ତୋଷ ଫୁଲ ସବୁ ସାଉଁଟୁ ସାଉଁଟୁ

ମୃତ୍ୟୁ ଆସି ନେଇ ଯିବ ସିନା

ମଣିଷ ପଣିଆର ପାଦ ଚିହ୍ନ ସବୁ

ଦିନ ପରେ ଦିନ

ପ୍ରତ୍ୟେକଙ୍କ ହୃଦୟରେ

ଘର କରି ଯିବ।