ଜୀବନ ଏକ ପରୀକ୍ଷାଗାର
ଜୀବନ ଏକ ପରୀକ୍ଷାଗାର
ଆଖି ଖୋଲିଲାଠୁ ମୁଦିଲା ପର୍ଯ୍ୟନ୍ତ
ଏ ମଣିଷ ପ୍ରତିକ୍ଷଣ
କରମ ସାଥିରେ ଯୁଝି ଜିତେ ହାରେ
କରି ଈଶ୍ବର ଚିନ୍ତନ
ଫଳ ସୁଖଦୁଃଖର
ଦେଇଥାନ୍ତି ଯାଚି ପ୍ରଭୁ ଦୟାମୟ
କଷି କଷି ତା' ଅନ୍ତର
ଜୀବନ ଏକ ପରୀକ୍ଷାଗାର ।
ପରୀକ୍ଷା ନିରୀକ୍ଷା କରି ପାଇ ଶିକ୍ଷା
ଆଗକୁ ଆଗକୁ ଧାଏଁ
ବିଫଳୁ ସଫଳ ଉପାୟର ବଳ
ନିଜଠାରୁ ଖୋଜି ପାଏ
ଇଚ୍ଛାଶକ୍ତି ପ୍ରବଳ
ସେଥିପାଇଁ ନବଦିଗନ୍ତର ଆଭା
ଦେଖଇ ହୃଦୟ ତଳ
କରି ଭଲମନ୍ଦକୁ ତଉଲ ।
ଥିଲେ ଅବକାଶ ହୁଏନି ବି ଶେଷ
ଜୀବନେ କେବେ ପରୀକ୍ଷା
ପରୀକ୍ଷାଗାରରେ ହସଲୁହ ଧାରେ
ନିତି ତାହାର ସମୀକ୍ଷା
ଏତ ମାନବ ଗତି
ମନ୍ଦରୁ ଭଲକୁ ହୋଇଲେ ଉତ୍ତୀର୍ଣ୍ଣ
ସତେ ରସାୟନ ପ୍ରାପ୍ତି
ଜୀବ ଖୋଜଇ ପଥ ମୁକତି ।