ଜଗତ କଲ୍ୟାଣ
ଜଗତ କଲ୍ୟାଣ
ଭବିଷ୍ୟତ ପାଇଁ ସଞ୍ଚୟ ଜୀବନ ବୀମା
ଧାନ ଚାଷ ପାଇଁ ଢ଼ାଲ ଫସଲ ବୀମା
ବୀମାର ହେଲେ ଆୟୁଧ ସ୍ୱାସ୍ଥ୍ୟବୀମା
ପରନ୍ତୁ
ମନ ଜଳିଗଲେ
ସପନ ଚୂନା ହେଲେ
ହୃଦୟ ଭାଙ୍ଗିଗଲେ
କେଉଁ ବୀମା -ଯୋଜନା -ସୁରକ୍ଷା କରିବା
କହିବେ କି ଦୟାକରି ?
ଟାଣ ଖରା ପାଇଁ ଛତା ସୁରକ୍ଷା
ବର୍ଷା ବରଷିଲେ ଛଡା ହିଁ ରକ୍ଷା
ବାଇକ୍ ଚଲେଇଲେ ହେଲମେଟ୍
ଜୀବନ ଭୀକ୍ଷା
ପରନ୍ତୁ
ଆଖି ବରଷିଲେ ବରକୋଳିଆ
ଟପ୍ ଟପ୍ ଥମ୍ ଥମ୍ ଅମାନିଆ
ଅଭିମାନିଆ ଘରକୋଣିଆ
କେଉଁ ରକ୍ଷା - ସୁରକ୍ଷାର ଛତ୍ରି ନେବା
କହିବେ କି ଦୟାକରି ?
ଅଣ୍ଡିଆ ଗୋଡ଼େଇଲେ ଦୌଡ଼ି ପଳାୟନ
ବାଘ ହେଣ୍ଟାଳିଲେ ବୃକ୍ଷ ଆରୋହଣ
ଭାଲୁ ଆକ୍ରମଣେ ଶବାସନ ଶୟନ
ପରନ୍ତୁ
ଅହଁକାର ଗର୍ଜନରେ
ଅଭିମାନ ତର୍ଜନରେ
ଦୁଃର୍ଜନ ବର୍ଜନରେ
କେଉଁ ମାଧ୍ୟମ - ସାଧ୍ୟମ ଆପଣେଇବା
କହିବେ କି ଦୟାକରି ?
କଣ୍ଟା ଫୋଡିଗଲେ ବାହାର କରିହେବ
ବଥ ବାହାରିଲେ ଫଟେଇ ଦେଇ ହେବ
ବ୍ରଣ ବାହାରିଲେ ଡାକ୍ତର ପାଖକୁ ନେବ
ସାପ କାମୁଡିଲେ ଏଣ୍ଟି ଭେନମ୍
ଇଞ୍ଜେକସନ ଦେବ
ପରନ୍ତୁ
କଥା ଫୋଡିଲେ
ବିକ୍ରୋକ୍ତି କାଟିଲେ
କଟୁକ୍ତି ବାଧିଲେ
କେଉଁ ସୁ-ଉପାୟ ହାତେଇବା
କହିବେ କି ଦୟାକରି ?
ଦେହ ଖରାପ ଔଷଧ ସେବନ
ପେଟ ଖରାପ ଓଆରଏସ୍ ଦ୍ରବଣ
ମୁଣ୍ଡବ୍ୟଥା ଝଣ୍ଡୁବାମ୍ ଲେପନ
ପରନ୍ତୁ
ବେଦନା ଘାରିଲେ
ଚେତନା ମରିଲ
ଦୁଃଖର ପାହାଡ଼ ଭାଙ୍ଗିଲେ
କେଉଁ ବାମ୍ - ଟ୍ୟାବଲେଟ୍ ନେବା
କହିବେ କି ଦୟାକରି ?
ଅସରନ୍ତି ଅକଳନ୍ତି ସମସ୍ୟା ଉପରେ
ଶୋଇଛେ ଚାଲିଛେ ଆମେ
ସମାଧାନ କଥା ଉପଦେଶ ଗାଥା
ଗୁରବେ ସରବେ ତୁମେ ।
ନିଜେ ସମାଧାନ ଖୋଜ ଶୁଣ ସବୁରି
ଛନ୍ଦାଚରଣ ଶରଣ
ବୀମା କମ୍ପାନୀ ଶସ୍ତା ଆମଦାନୀ
ତ୍ରାହି କର ଜଗତ କଲ୍ୟାଣ ।