Happy Hug Day

ଗୋଲାପଟା ମୋର  ମଉଳି ପଡିଲା

    ପ୍ରପୋଜଟା ଗଲା ଫାଟି

ଚକେଲେଟ ମୋର ଖାଇଦେଲା ସିଏ

   ଦେଲା ନାହିଁ ମନ ଗୋଟି

ପ୍ରମିସ୍ ଦିନରେ  ପ୍ରେମ ହଜିଗଲା

     ଜହ୍ନ ରାଇଜରେ ଫସି

କଣ୍ଢେଇକୁ ନେଇ ଭଣ୍ଡେଇ ସେ ଦେଲା

    ଭାବୁଛି ଏକେଲା ବସି

ଯାହା ହେବା କଥା ହେଲା ହୋ ବାଇନ

   ଭାବି କିଛି ଲାଭ ନାହିଁ

କୁଣ୍ଢାକୁଣ୍ଢି ଆଜି  ଦିବସ ଆସିଛି

    ବିଳମ୍ବ ଆଉ କି ପାଇଁ

ସୁକୁଟି ସାହୁଟା ମେସେଜ୍ କଲାଣି

    ହାଏ ମାଇଁ ଡିୟର୍

ପଟେଇବା ପାଇଁ  କରି ନେଲି ସ୍ଥିର

   ହେବାକୁ ପ୍ରେମିକ ପିୟର୍ 

ସାଙ୍ଗେ ସାଙ୍ଗେ ତାକୁ ରିପ୍ଲାଇରେ ଦେଲି

     କଣ କରୁଛ ବେବି

ଫାଙ୍କା ଯଦି ଅଛ କୁହ ଗୋ ସୁନ୍ଦରୀ

   ବୁଲେଇ ତୁମକୁ ନେବି

ଶୁଣି ମୋର କଥା କରିଲା ସେ ଚିନ୍ତା

    କହିଲା ହେଇଟି ହେଉ

ରଙ୍ଗେଇଲୁଣ୍ଡାକୁ ଯିବା ଦୁହେଁ ବୁଲି

    ଚିନ୍ତା କର ନାହିଁ ଆଉ

ଫଟଫଟିଆକୁ ନେଇକି ତା ଆଗେ

    ହୋଇଗଲି ମୁହିଁ ହାଜର

ଫାଙ୍କା ଜାଗା ଦେଖି କୁଣ୍ଢାକୁଣ୍ଢି ହେଲୁ

    ବୁଲିଲୁ ପ୍ରେମ ବଜାର

ଦହିବରା ସାଥେ  ଗୁପ୍ ଚୁପ୍ ଖାଇ

   ଦେଖିଲୁ ମେଟିନି ସୋ 

ଖୁସିରେ ଏ'ମନ ଗାଉଥିଲା ଟିକେ 

   କୁଞ୍ଚୁମ୍ କୁଞ୍ଚୁମ୍ ପୋ