ଲାଇବ୍ରେରୀ
ପ୍ରୋଫାଇଲ୍
ହାତରେ ମଶାଇ ହାତ
ହାତରେ ମଶାଇ ହାତ
1 min
24K
ହାତରେ ହାତକୁ ମିଶାଇ ଦେଲେରେ
ପଥର ହୁଅଇ ପାଣି
ଜିତିବାର ବାଟ ସହଜ ହୁଏରେ
ମନକୁ ପାରିଲେ କିଣି
ଅମାପ ମାପ ଏ ଏକତାର ବଳ
ବନ୍ଧବାଡ ମାନେ ନାହିଁ
ମହା ଶକତିର ମୋହଭଙ୍ଗ କରେ
ଏକତାର ଗୀତ ଗାଇ
ପ୍ରଳୟ ଯଦିବି ତରାଟଇ ଆଖି
ନଥାଏ ସେଥିକି ଭୟ
ବିଶ୍ବାସ ରେ ହୁଏ ଏ ଜଗତ ବସ
ସମ୍ପ୍ରତି ର ସଦା ଜୟ
ଲୁହ କରେ ଗେଲ କଣ୍ଟା ପାଏ ଭଲ
ସବୁ ମନ ଗଲେ ମିଶି
ସୁଖ ଦୁଃଖ ସବୁ ବାଣ୍ଟି ନେଲେ ସାଥି
ପାହିଯାଏ ଅମା ନିଶି
ମନ ମିଶିଗଲେ ମଉଳା ଫୁଲବି
ହସୁଥାଏ ଖିଲିଖିଲି
ଶତ ସମସ୍ୟାର ଅଲୁରା ସୂତାର
ଖିଅ ଯାଏ ସବୁ ଖୋଲି
ହାରି ଯାଇଥିବା ହୃଦୟକୁ ଆମେ
ପଛରେ ଯିବାନି ଛାଡି
ଭରଷା ପାଇଲେ ପ୍ରଳୟ ସାଥିରେ
ପୁଣିସେ ପାରିବ ଲଢି
ସବୁ ହାତ ଯେବେ ମିଶିଯାଏ ତେବେ
ଦେଖାଯାଏ ନୂଆ ବାଟ
ଦାଉଧକ୍କା ସବୁ ବାଟ ଭାଙ୍ଗି ଯାଏ
ଉଛୁଳେ ଖୁସିର ହାଟ
