ଘେନ ମୋ ପ୍ରଣାମ

ଜୀବନର ଘଡିସନ୍ଧି ମୁହୁର୍ତ୍ତରେ

ସ୍ମିତହାସ୍ୟ ପୂର୍ଣ ମୁଖ

ନିରାଶାର ମରୁ ବାଲିରେ

ସଂଘର୍ଷ ପୂର୍ଣ କ୍ଷୀଣ ଆଲୋକ ଶିଖା

ତ୍ୟାଗ ଆଉ ବଳିଦାନ କ୍ଷେତ୍ରରେ

ବିନମ୍ରତା ପୂର୍ଣ ଭାବ

ନିସ୍ୱାର୍ଥ ଆଉ ନିଷ୍ପାପ ଭଲ ପାଇବାରେ

ଆନ୍ତରିକତା ପୂର୍ଣ ହୃଦୟ

କର୍ମ ଆଉ ଧର୍ମର ଜଞ୍ଜାଳ ଭିତରେ

ସଂଯମତା ପୂର୍ଣ ଭାରସାମ୍ୟ 

ସେବା ଓ ସମର୍ପଣ କାର୍ଯ୍ୟରେ

ଆତ୍ମିୟତା ପୂର୍ଣ ମନୋଭାବ

ଦୁଃଖ ସୁଖର ମୋହ ମାୟାରେ

ମମତା ପୂର୍ଣ ଚିରସ୍ଥାୟୀ ସ୍ନେହ

ମାଆ 

ତୁମର ମହିମା ବର୍ଣନା ପାଇଁ

ଏ ଅଧମ

ଆଜି ଶବ୍ଦ ଶୂନ୍ୟ

ମାଆ

ଘେନ ମୋ ପ୍ରଣାମ 

ଘେନ ମୋ ପ୍ରଣାମ ।