ଏତେ ବର୍ଷ ବିତିଗଲା ପରେ

ନିର୍ଜନ ବେଳାଭୂମିରେ

ବସି ଭାବୁ ଥାଏ 

ତୁମରି କଥା ।

ଅଶାନ୍ତ ଢେଉ ତାଳେ ତାଳେ

ମାନସ ପଟଳେ ଭାସି ଆସୁଥାଏ

 ଅତୀତର ଗୋଟି ଗୋଟି କଥା ।

ଭୁଲ ତ ନଥିଲା କାହାରି

ତଥାପି ବିହି ଦେଇଥିଲା 

ସମ୍ପର୍କରେ ବିଚ୍ଛେଦ ଲେଖି ।

ଆଉ ସେ ପୁରୁଣା କଥାର 

ପୁନରାବୃତ୍ତି କରି କି ଲାଭ

ଯଦି ଏତିକି ଯଂତ୍ରଣା ବିଧାତା ଦେଇଥିଲା 

ଭାଗ୍ୟରେ ଲେଖି ।

ଆଶା କରେ ତୁମେ ଖୁସିରେ ଥିବ

ଏତେ ବର୍ଷ ବିତି ଗଲା ପରେ ।

ହେଲେ ତୁମେ କି ଜାଣିବ 

ମୋ ହୃଦୟର ବେଦନା

ଆଜି ବି ତୁମକୁ ନିତି ଝୁରେ ।

ସମୟ ତାଳେ ତାଳେ

ମଣିଷ ବଦଳେ,

ହେଲେ ବଦଳାଇ ନାହିଁ କେବେ ନିଜକୁ।

ଆଜି ବି ନିତି ଚାହିଁ ରହିଥାଏ

ତୁମରି ଫେରିବା ପଥକୁ ।