ଆଜି ବି ତୁମକୁ ଭଲ ପାଏ

ନିଝୁମ୍ ରାତିର ଜହ୍ନ ପରି

ଚାଲି ଆସ ତୁମେ ମୋ ଭାବନାରେ;

ହୃଦୟେ ମୋହର ବୁଣି ଚାଳି ଯାଅ 

ଅତୀତ ର ସ୍ମୃତି ଧାରେ ।

ଜାଣେ ତୁମେ ଏବେ ସତ ଭାବିବନି 

ଏତେ ବର୍ଷ ବିତି ଗଲାପରେ ;

କାହିଁକି ମୋ ସ୍ମୃତି ଆଇନାରୁ

ଭାସି ଆସିଲା ତୁମ ମୁହଁ ପୁଣିଥରେ ।

ଖୋଜି ପାଏ ନାହିଁ କାରଣ ତାହାରି,

ଯେତେ ଥର ହୃଦୟ କୁ ପଚାରେ;

କହି ତ ନଥିଲି ମନର ବେଦନା

କେବେ କାହାରି ଆଗରେ ।

ଲୁଚାଇ ରଖିଥିଲି 

ଯେଉଁ ଭଲ ପାଇବାକୁ

କହି ତ ନଥିଲି ତୁମକୁ ଆଜି ଯାଏ,

ଏବେ ବି କହୁଛି

ହୃଦୟ ଭିତରୁ 

ଆଜି ବି ତୁମକୁ ହିଁ ଭଲ ପାଏ।